Misileeraalluni aalisarneq

Ingerlatseqatigiifiit tamarmik aalisarput

Russit, savalimmiormiut Islandimiullu angallataataat Tunumi avaleraasartoorniaqataapput

Savalimmiormiut aalisariutaataat »Næraberg«, »Slæ aberg« aamma »Nordborg« Tunumi kalaallit avaleraasartoorniarneranni atorneqarput.

Ingerlatsiviit angallataateqanngitsut talli­mat ukioq manna avaleraasartoortassin­neqartut tamarmik Tunumi aalisalerput.

Siornatut pisoqarnissaa pinngitsoor­tussanngorpoq, tassa ingerlatseqatigiiffiit angallataateqanngitsut angallammik attartunngitsoormata. Tamanna taakkununnga nunattalu karsianut kinguneqarnerluppoq, Sermitsiaq allappoq.

Pisassiissutinit 30.000 tonsiusunit taamaal­laat 3.903 tonsit aalisarneqarput. Avaleraa­sartuunummi akitsuutinit isertitassat 45 millionit koruuninut tagginneqaraluartut taamaallaat 5.854.500 koruunit isertinne­qarmata.

Ingerlatseqatigiiffiit namminneq angalla­taateqanngitsut tamarmik immikkut 4.000 tonsinik pisassinneqarput – katillugit 20.000 tonsinik.

Avaleraasartuunut akitsuut nunanit al­lamiunit akilerneqartussaq 2016­imi 1,50 koruuniusimasoq 2017­imi 1,00 koruuni­mut apparneqarpoq. Pisassiissutit tamakker­neqassappata nunatta karsia 20 millionit koruuninik isertitaqassaaq.

Allaaserisaq Sermitsiami tamakkerlugu atuaruk. Aviisi uani pisiariuk:

Powered by Labrador CMS