Toqusoq

Info Designimi piginneqataasoq toquvoq

Knud Rask Nuummi Info Designimik piginneqataasimavoq. 71-inik ukioqarluni toquvoq

Knud Rask pingasunngornermi januaarip 25-anni ilisaassaaq

Info Designimi pisortaq Lars Ezekiassen, ingerlatseqatigiiffimmik piginneqataasoq Knud Rask tallimanngornermi tassanngaannaq toqukkut qimaguttoq, Sermitsiaq.AG-mut ilisimatitsivoq.

- Ukiorpassuarni Info Designimi suleqatiga piginneqatigalu Knud Rask, 71-nik ukioqarluni tallimanngornermi tassanngaannartumik toqukkut qimaguppoq, Lars Ezekiassen ilisimatitsivoq.

Knud Rask 1995-imi piginneqataalerpoq, Nunarpullu tamaat sullitarisimallugu: suliffeqarfiit namminersortunit pisortat suliffeqarfiutaannut.

Lars Ezekiassen: - Eqqarsaatigut nuliani Bolethemi, qitornaanni Anna aamma Aviaq kiisalu aappaanni aamma ernutaanniipput. Eqqaaneqarnera ataqqinartuuli.

Knud Rask Annaassisitta Oqaluffianiit pingasunngornermi 25. januar 2017 nal. 13.00 ilisaassasoq ilisimatitsissutigineqarpoq, Knud Raskip ilaqutaasa tikilluaqquai Kunuutimut attuumassuteqartut tamaasa ilisinermi peqataanissaanut. Kingorna Hotel Hans Egedemi kaffeqassaaq.

Powered by Labrador CMS