kingunerlutsitsinerit

Inersimasunut meeraarnerminni atornerlutsissimasunut siunnersuineq nutaaq

Namminersorlutik Oqartussat oqarasuaat 141 pilersippaat, taanna sapaatip-akunneranut ulluni pingasuni ammasassaaq

Oqarasuaatikkut siunnersuisarfik marlunngornermi apriilip 19-ani ammassaaq

Namminersorlutik Oqartussat inersimasunut meeraanerminni kinguaassiutitigut atornerlunneqarsimasunut, oqarasuaatikkut siunnersuisarfimmik immikkut ittumik maanna pilersitsilerput.

Oqarasuaat 141-mik telefonnormoqassaaq. Siunnersuisarfimmut marlunngornermi apriilip 19-ani ammartumut sianerneq akeqanngilaq. Oqarasuaat ulluni marlunngorneq aamma sisamanngorneq nalunaaqutaq 19.00 - 21.00 ammasassaaq, aamma arfininngorneq nalunaaqutaq 15.00 – 17.00.

Atuaruk: Uani ikiorneqarsinnaavutit aamma siunnersorneqarsinnaavutit

Angalaqatigiit
Naalakkersuisut 2013-mi nuna tamakkerlugu angalaqatigiittartut pilersippaat, tarnip pissusaanik ilisimasallit angalaqatigiittartuni sulipput, taakku inersimasut meeraanerminni kinguaassiutitigut atornerlunneqarsimanermikkut kingunerlutsitsisunut katsorsaanermik suliaqarput. Oqarasuaat pilersinneqartoq suliamut tassunga uiggiutaavoq tapertaasussaq, naalakkersuisut.gl ilisimatitsivoq.

Nuummiup Henrik Thomsenip marsip qaammataani saqqummerluni meeraanermini kinguaassiutitigut atornerlunneqarsimalluni oqaluttuarinerata kingorna, tamatuminnga oqallinneq maanna saqqumilaarpoq.

Atuaruk: Atornerlutsinnerup kingorna angut inuusuttoq saqqummertoq

Powered by Labrador CMS