Ineriartortitsinissamut aningaasaateqarfik takornarialerinermik suliniuteqartunut atukkiisiinnaasoq

Ineriartortitsinermut aningaasaateqarfik Kangilinnguani ineriartortitsinissamut suliniut soqutigaat.

Tamanna Illersornissaqarfiup Kangilinnguani ingerlatseqilerneranut atatillugu pivoq. Tassani ineriartortitsinissamut aningaasaateqarfiup Kalaallit Nunaanni suliaqartartuisa takornarialerinerup ineriartortinneqarnissaanut suliniummut 5-10 million koruunit akornanni aningaasaliisinnaallluni nalunaaruteqarpoq.

Tegnstuen Nuuk A/S tusagassiuutinut nalunaarummi allappoq.

Aningaasaliissutit naammassilertut

- Akissutisiarput assut nuannersuuvoq, qaammatinilu tulliuttuni aningaasaliissutit kingulliit inissinneqarumaartut qularutiginngilarput, Andrea Buhl suliniuteqartunut ilaasoq oqarpoq,

Kommunit suleqatiginissaannik neriuuteqarneq

- Najukkami aningaasaateqarfimmiit avataaniillu nunat tamalaat akornanni takornarialerinermik suliaqartut tapersersuinissaat neriuutigaarput, taamaasiornikkut suliniut pitsaanerpaamik aningaasaqarnikkut tunngaveqarluarluni aallartissangaluarpoq, tusagassiuutinut nalunaarummi erseqqissaassutigineqarpoq.

Kommuneqarfik Sermersuup peqataanissaa aamma neriuutigineqarpoq, taakkumi Illersornissaqarfittuulli illunik suli pigisaqarput. Kommune Kujalleq aamma suleqatigerusunneqarpoq.

Kujataani takornariat 2.000 - 4.000 akornanni soqutiginnilersitsinneqarsinnaasut Grønnedal Arctic Resort-p naatsorsuutigaa, sanaartornermi naammassippat sumiiffimmi unnuinerit 25.000 anguneqarsinnaapput. Tamanna Kujataani takornariat ullumikkornit marloriaatinngornerinik kinguneqassaaq.

- Suliniut katillugu 60 million koruunit missaanni akeqassagatinneqarpoq, suliniummilu naatsorsuutigineqarpoq Kujataani takornarialerinermik toqqaannartumik suliffiit 30-40 akornanni pilersinneqarsinnaasut, tusagassiuutinut nalunaarummi oqaatigineqarpoq.