Inatsit nutaaq immiorfinnut unamminartoqartitsisoq

Godthåb Bryghus kisimi imigassamut inatsimmit nutaamit unamminartoqartitsinngilaq. Kujataani immiorfik Qajaq, inatsisip atuutilernerata kingorna niuerniarfinni malunnaatilimmik tunisakinnerulerpoq.

Imigassamut inatsit marsip aallaqqaataani atuutilersoq, Kalaallit Nunaanni suliffeqarfinnik naleqartitseratarsinnaavoq.

Inatsit ukioq manna allanngorneqariinngippat, Godthåb Bryghusimi pisortap, Nicolai J. Nissenip, Nuummi immiorfimmi suliffinnik annaasaqartoqassasoq naqissuserpaa.

Malunnaatilimmik kinguariarneq

Narsami immiorfimmi mikinerusumi, Fridrik Magnussonimit aamma Kattie Nielsenimit ingerlanneqartumi suli isumalluartoqarpoq, kisianni immiaaqqat tunisat malunnaatilimmik ikileriarput.

- Niuerniartarfiit immiaaraatitsinnik aviisiminni neqerooruteqarsinnaajunnaajunnaarnikuupput. Tamanna sunniuteqartoq malugisinnaavarput, Kattie Nilsen ilisimatitsivoq, taanna marsip aallaqqaataata kingorna suliassaqannginnerulersimavoq.

Kujataani immiorfik arfinilinnik sulisoqarpoq, taakkulu soraarsittariaqalinnginnissaat aappariit neriuutigaat.

- Najukkami suliffissaqartitsisunik tunisassiorsinnaalluta innuttaasunut takutikkusupparput, Kattie Nielsen nassuiaavoq.

Avammut niuerniartut

Aappariit 2017-imi januaarimi aatsaat immiaaqqanik tuniniaasalersimallutik ilisimatitsissutigaat, taamaalillutillu maanna tunisineq sanilliunnissaanut tunngavissakinnerullutik.

Avammut niuerneq aallartisarniarpaat, immiorfik arlalinnik tunisiffeqarsinnaaniassammat.

- Maani inuiaqatigiinni imigassamik atuinermik annikillisitsissappat imigassanut inatsit imatut ajoriffissaqartinngilarput, Fridrik Magnusson oqarpoq.

Assigiinngitsumik atugassaqartitsineq

Kisianni immiaaqqanik niuernermik ingerlatsinermi unammilleqatigiinnermi atukkat assigiinngisinneqartut Kattie Nielsen isumaqarpoq, immiaaqqat nunani allani tunisassiat tusagassiorfinnit kalaallinit atorneqartuni nittarsaassisinnaammata.

- Taamatut assigiinngisitsineq tulluanngilaq. Aamma imigassaq toqqorlugu maani inuiaqatigiinni imigassamik atornerluinerup iluarsineqarnissaanik isumaqarneq naammanngilaq. Amerlanerusut akisussaaffimmik tigusisariaqarput, Kattie Nielsen oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS