tusagassiuutit

Inatsisitigut tunngaviit saqqummiunneqaraluartut Naalakkersuisut isummatik allanngortinngilaat

Tusagassiivik Sermitsiaq.AG sinneqartoorluni ingerlatilluni tapiiffigineqarsinnaanngilaq, Naalakkersuisut nalunaarput

Tusagassiivik Sermitsiaq.AG sinneqartoorluni ingerlanerani aningaasaliiffigineqarsinnaanngitsut Naalakkersuisut isumaqarput

- Naalakkersuisut ulloq 9. juli 2014 Tusagassiivik Sermitsiaq.AG tusagassiorfinnut tapiissutinik qinnuteqaataa itigartippaat. Aalajangiineq tamakkiisumik eqqortuuvoq, inaarutaasuulluni, aammalu allaffissornikkut oqartussaasunut allanut maalaarutigineqarsinnaanani, Naalakkersuisut Siulittaasuat, Aleqa Hammond, Siumut, tusagassiutinut nalunaarummi oqarpoq.

- Naalakkersuisut erseqqissassavaat aalajangiinermi oqaaseqarnissamut kiffaanngissuseqarneq imaluunniit oqartussaaqatigiinneq killilersorneqanngimmat, paarlattuaniinneruvoq, tamatuma arlaannaannulluunniit attuumassuteqannginnerulerneq annertunerulersippaa. Erseqqissaatigineqassaaq Aningaasanut inatsimmi sinaakkutissat Naalakkersuisut aalajangiineranni malinneqarmata. Suliffeqarfik nammineerluni ingerlalluarsinnaappat, sinneqartooruteqartumik ingerlatsisunut Naalakkersuisut innuttaasut akileraartartut aningaasaataannik annertunerusumik tunniussinianngillat, Aleqa Hammond naqissusiivoq.

- Tusagassiivik Sermitsiaq.AG suliassamik nalilersuititsilluni misiliinissamut periarfissaqarpoq, ilanngullugu Naalakkersuisut aalajangiinerat ombudsmandimut aamma /imaluunniit eqqartuussivinnut suliakkiissutigineratigut. Tamanna Naalakkersuisut eqqissillutik qilanaaraat, Aleqa Hammond oqarpoq, nangipporlu:

- Inatsisilerinikkut immikkut ilisimasallit suliami illuatungiliuttut aappaannaanniit apeqqutinut arlalinnut akissuteqarput. Taamaattumik naliliinerat ataqqilluinnarlugu Naalakkersuisut aalajangiinermut allanngortitsinnissamut pissutissaqanngillat.

Tamanna pillugu Tusagassiivik Sermitsiaq.AG-ip pisortaa ima oqarpoq:

- Aningaasanut inatsisisssaq Naalakkersuisunit aalajangiunneqarpoq. Naalakkersusiut nalunngilaat Tusagassiivik Sermitsiaq.AG sinneqartoorluni ingerlasoq. Naalakkersuisut namminneerlutik tapiissuteqarnissamik siunnersuuteqartareerput, naak ilisimagaluarlugu sinneqartoortumik ingerlasuusoq. Taamaattumik siunnersuuteqarnerat apeqquserneqarsinnaavoq, nalunngikkunikku ilumut Tusagassiivik Sermitsiaq.AG sinneqartoorluni ingerlasuusoq. Maannakkut inatsisinik suliaqartut allaffissornikkut tunngasortaa allanngortippaat, taamaattoqarsinnaanngilaq. Inatsit kisimi allanngortinneqarsinnaavoq, Poul Krarup tusagassiutinut nalunaarut oqaaseqarfigaa.

Powered by Labrador CMS