Inatsisinut Ataatsimiititaliaq: Siunnersuisoqtigiit akissarsialimmik siulittaasoqassapput
Inuit Pisinnaatitaaffiinut Kalaallit Nunaata Siunnersuisoqatigiivi maanna namminneq allattoqarfeqalissapput, siulittaasoq aamma akissarsiaqartinneqassaaq.
Kalaallit Nunaanni inuit pisinnaatitaaffiinik pitsanngorsaanissaq illersuinissarlu siunertaralugit 2012-imi siunnersuisoqatigiinnik attuumassuteqanngitsunik pilersitsisoqarpoq, kisianni 2016-imi naliliinerup ingerlalluartoqanngitsoq takutippaa, inatsisissatut siunnersuutip nutaap tamanna maanna aaqqiiviginiarpaa.
Siunnersuisoqatigiit ilaatigut taarsikulasimapput.
Isumaliutissiissutip Inatsisinut Ataatsimiititaliameersup, Kalaallit Nunaata Inuit Pisinnaatitaaffii pillugit Siunnersuisoqatigiit pingaarnertut inatsisaata nutaap atuunnissaa taperserpaa, immikkoortullu tallimat siunnersuisoqatigiit ullumikkut sulinerannut pingaarutilittut erseqqissarneqarput.
- Namminerisamik allatseqarfimmik pilersitsineq missingersuutillu pillugit nammineq piginnaatitaaneq.
- Siunnersuisoqatigiinnut ilaasortat amerlassusiannik katitigaanerannillu allannguineq ilaasortanillu toqqaanermi periuseq atorneqartartoq
- Siunnersuisoqatigiinni siulittaasup aningaasarsiaqartinneqarnerata allanngortinneqarnera.
- Ukiumoortumik soqutiginnitsinik ataatsimeeqateqartussaaneq.
- Siunnersuisoqatigiit suliassaannik inatsisitigut aalajangersarneqartunik erseqqissaateqarneq
Inatsisinut Ataatsimiititaliami ilaasortaapput siulittaasoq Anders Olsen, Siumut, siulittaasup tullia Sofia Geisler, IA ilaasortallu sinneri Justus Hansen, Demokraatit, Stine Egede, IA aamma Aleqa Hammond, Nunatta Qiturnai.