Inatsisartut
Inatsisartut tallimanngorpat inissititissapput
Inatsisartut oqaluuserisassanut ataatsimiititaliarigallagaata Inatsisartunut ilaasortanngorlaat tallimanngornermi inissisititernissamut aggersarpai
Inatsisartut tallimanngorpat inissititissapput
Ulloq inissititerfik pisarnertut aallarnerneqasssaaq Hans Egedep Illuani ullaap tungaani nalunaaqutaq 9.00-miit kaffisoqatigiinnermik. Tamatuma kingorna ilaasortat Annaassisitta Oqaluffianut nalunaaqutaq 10.00-imiit naalagiarnissamut ingerlaaqatigiissapput. Naalagiaqatigereerunillu ataatsimiinnertik inissititerfiusoq nalunaaqutaq 11.00 aallartissallugu.
Inissititernerup saniatigut immikkut ataatsimiinneq
Inatsisartut oqaluuserisassanut ataatsimiititaliarigallagaata ilisimatitsissutigaa unissititerfiusumik ataatsimiinneq ulluni inissititerfiusuni marlunni ingerlanneqassasoq naatsorsuutigineqartoq, tassalu 12. december aamma 15. december.
Tamatuma saniatigut naatsorsuutigineqarpoq ullormik ataatsimik immikkut ittumik ataatsimiiffiusumik sivitsorneqarumaartoq naatsorsuutigineqarpoq, tassalu marlunngornermi ulloq 16. december, naalakkersuisunit oqaluuserisassat ataasiakkaat kingusinnerusukkut ataatsimiinnissamut kinguartinneqarsinnaassagunanngimmata.
Taama Inatsisartuni qinigaasartuni sivisunerpaamik ilaasortaasimalersoq Lars-Emil Johansen ilisimatitsivoq.