Inatsisartut ataatsimiittarfiat
Inatsisartut ataatsimiittarfissaat: Taasititsineq ima inerneqarpoq
- Isumaqarpunga Aqqaluup Aneerasaartarfia inissiffigissallugu periarfissajunnaartoq, Kommuneqarfik Sermersuumi borgmesteri Asii Chemnitz Narup taasisoqareersoq oqarpoq
Inatsisartut ataatsimiittarfia Nuummi sumi inissinneqassanersoq pillugu innuttaasunik tikkuussisumik taasititsisoqarpoq, taasititsinerullu inernera pisortatigoortumik nalunaarutigineqarpoq.
Illoqarfiup pisoqartaani inissisimaffissat marluk, Aqqaluup Aneerasaartarfia aamma Nuutoqqami tamarmik taasisunit procentinik pingasunik taaneqarput. Arsiffik illoqarfiup qeqqaniittoq taasisut 38 procentit toqqarpaat, taavalu allami inissiiffissarsinissaanut 56 procentit taasillutik.
Taasisut 1 procentiisa periarfissaq 'naluara' toqqarpaat.
Kommuneqarfik Sermersooq tusagassiutinut nalunaaruteqarpoq.
Asii: Una taaneqarsinnaajunnaarpoq
Taasisuni atorsinnaanngitsut 247-t ilanngaatigineqareerpata, inuit 2880-it taasisimassapput. Tamanna taasititsinermi innuttaasut 22 procenteraat.
Innuttaasut kikkulluunniit assigiinngitsunik ukiullit, angutit arnallu tamarmik taasisimasut kisitsitsit takutippaat, tamannalu Kommuneqarfik Sermersuumi borgmesterip Asii Chemnitz Narupip nuannaarutigaa.
- Isumaqarpunga Aqqaluup Aneerasaartarfia inissiffigissallugu periarfissajunnaartoq, mannalu tikillugu tamassuma kisiat inissiiffiginissaanut Inatsisartut siulittaasoqarfiata qinnuteqaatigaa, borgmesteri tusagassiutinut nalunaaruteqarpoq.
Inatsisartut sumi ataatsimiittarfeqalernissaat Inatsisartut innersuussutaasa kommunalbestyrelsip akuersaallugilluunniit akuerineqanngitsutut naligiiffigisussaavaat. Asii Chemnitz Narupip sumi ataatsimiittarfeqalernissaa sumiissanersoq innersuutissallugu taasititsisoqareernerani aalajangiuppaa.
- Inatsisartut ataatsimiittarfiliuunneqarnissaat pillugu Inatsisartut aalajangernikuupput, nunattalu karsia tamatumani akiliuteqartoqartussaavoq. Uagut qinnuteqaatit pissarsiarisavut tunngavigalugit taamaallaat iliuuseqarsinnaavugut, tusagassiutinut nalunaarummi Asii Chemnitz Narup nassuiaavoq.
Sermitsiaq.AGp Asii Chemnitz Narup taasititsisoqarnera pillugu apersorusukkaluarpaa, borgmesterili aqagu sisamanngornermi aatsaat apersorneqarnissamut piffissaqarpoq.
Isumasiuititsisartut Epinionip misissuisitsinera pillugu paasissutissat talerpiata tungaani takuneqarsinnaapput