aatsitassat
Inatsisartuni urani pillugu oqallinneq suli naammassinngitsoq
Steen Lyngep (A) innuttaasunik taasititsinissamut Inatsisartuni siunnersuutaa partiinit tamanit itigartitsissutigineqarpoq. Inuit Ataqatigiit siunneersuutaat maanna oqallisigineqarpoq
Uranimik piiaanissaq pillugu oqaluuserisassat Inatsisartuni pingasunngornermi oqallisigineqartussaagaluarput, tassa Steen Lyngep (A) Nunatsinni uranimik piiaanermi 0,05 procentimik qummut killeqartitsisoqassanersoq innuttaasunik taasititsissutigineqarnissaa, aamma Inuit Ataqatigiit attuumassuteqanngitsumik uranimik piaanermut paasititsiniaanermik aallartitsisoqarnissaannik siunnersuutaat.
Steen Lyngep siunnersuutaa pingasunngornermi oqallisigineqarpoq, Inuit Ataqatigiit siunnersuutaat ullumikkumut sisamanngornermut kinguartinneqarluni.
Atuaruk: Sammisaq oqallisaanerpaasoq Inatsisartuni oqaluuserineqartoq
Partiia akuersinngitsoq
Partiip ataasiinnaalluunniit Steen Lyngep siunnersuutaa akueralugu taanngilaa. Taassuma partiiata allaat siunnersuutaa itigartippaa.
KNR naapertorlugu, Steen Lynge partiimit anilinngilaq, imaluunniit partiimi siulittaasup tulliatut tunualinngilaq, naak Atassutip siunnersuutaa itigartikkaluaraa.
Atuaruk: GME annertuumik taarsiiffigeqqusinnaava?
Inuit Ataqatigiit aalajangiiffissatut siunnersuutaat pingasunngormat oqallisigineqartussaagaluarpoq, kisianni Steen Lyngep siunnersuutaa pillugu oqallinnerup sivisunera pissutaalluni, Inuit Ataqatigiit siunnersuutaat ullumikkut sisamanngornermut kinguartinneqarpoq.
Nalunaaqutaq qulinulli Inuit Ataqatigiit aalajangiiffissatut siunnersuutaat Inatsisartuni oqallisigineqalerpoq. Tupaallaataanngitsumillu naalakkersuisoqatigiit illuatungiliuttullu imminnut ungasipput.
Atuaruk: Demokraatit naqissusiipput: Urani pillugu innuttaasunik taasisitsisoqassanngilaq
Oqallineq uani KNR-imi malinnaaffigiuk