Inatsisartut
Inatsisartuni ilaasortat arfineq pingasut maleruaqquneqartoq malinngikkaat
Siumumeersut Partii Naleqqameersullu atuuffitik aningaasatigullu soqutigisatik suli nalunaarsorsimanngilaat
Inatsisartuni ilaasortat atuuffitik aningaasatigullu soqutigisatik saqqummiuttussaavaat.
Inatsisartut ukiaanerani ataatsimiinnissaannut sapaatit akunneri arfineq marluinnanngortut, Inatsisartuni ilaasortaasut arfineq pingasut suli immersugassaq immersorsimanngilaat.
Inatsit nutaajuvoq, siornatigut ilaasortat namminneq aalajangertarpaat una immersorneqassanersoq.
Inatsit juulip aallaqqaataanit atuutilerpoq.
Nalunaarfigineqartut
Inatsisartut siulittaasuata, Lars-Emil Johansenip KNR-mut oqaatigaa Juunip aqqaneq aappaanili, inatsisartut allatoqarfiannit nalunaartussaatitaaneq pillugu partiit allattoqarfiinut, ataatsimiitsitalianut inatsisartunilu ilaasortanut nassiussorneqarsimasoq.
Siumumit Inatsisartunut ilaasortat tallimat aammalu Partii Naleqqamit Inatsisartunut ilaasortat pingasuusut tamarmik tassa suli maannamut inatsisartut atuuffinik nalunaarsuiviannut nalunaarsimanngillat.
- Puigorakku, nalunngikkaluarpara nassiuttussaasoq, ullullu ingerlanerani aaqqinneqassaaq, Nikolaj Jeremiassen Siumumit Inatsisartuni ilaasortaq, inatsimmullu suliarinnittuni Suleriaaseq pillugu ataatsimiitsitaliami ilaasortaq Radioavisimut oqarpoq.