Inassuteqaat: Najugaqarfiit assigiissumik pineqassanngillat

Oqaluuserisassaq qulequtalik ´Nuna tamakkerlugu pilersaarusiornermut nassuiaat´ imaannaaanngitsuuvoq. Tassami pineqafrpoq najugaqarfiit sorliit ineriartortinnissaminnut periarfissinneqassanersut, sorliillu inuerutsikkiartorneqassanersut.

Aningaasaqarnermut aatsitassanullu Naalakkersuisoq Randi Vestergaard Evaldsen (D) aqagu Inatsisartuni nassuiaateqassaaq.

Najugaqarfiit 335-it ulorianartorsiortut
Politikerillu nalunaarusiaq 150-inik quppernilik atuarunikku taanna piviusortaqaaluppoq erloqinartunikk.

Taamaasilluni nalunaarusiami tikkuarneqarpoq najugaqarfiit 35-it inui ima ikiliartupallatsigisut ataannarsinnaanerat qularnartoqarluni.

Assigiinngisitsigitsi
Taamaattumik nalunaarusiami ilaatigut erseqqissarneqearpoq najugaqarfiit tamarmik assigiissumik pineqartariaqanngitsut. Taarsiullugu sumiiffinni arlalinni centeriliortoqartariaqartoq tikkuarneqarput. Ilaatigut tamakkunani pisortat aningaasaliissutaat suliffeqarfiutaallu inissinneqassapput.

Centerit siunniuppaat
Nalunaarusiakkut siunnersuutigineqarpoq suleqatigiissitaliaq najugaqarfinnik, centerit arlalinnik suliassallit inissinneqarfissaannik tikkuaassaaq.

– Taamaasilluni ataatsimiititaliaq suleqatigiissitaliarluunniit pisinnaatinneqassaaq tikkuussissalluni najugaqarfiit sorliit pingaartinneqarnerussanersut sorliillu pingaannginnerutinneqassanersut, nalunaarusiami allassimavoq.

Matusinissamut pilersaarut
Najugaqarfippaalunnut pingaannginnerutinneqartussanut tamanna isumaqarpoq tamakkua matuneqartariaqartut. Suleqatigiissitalia pilersaarusiussaaq tamanna qanoq ingerlanneqassanersoq.

– Tamanna peqatigalugu ataatsimiititaliaq suleqatigiissitaliarluunniit pisinnaatinneqassaaq atugassaqartinneqassallunilu najugaqarfiit pingaartinneqanngitsut aaqqissuussaalluartumik matuneqarnissaannik pilersaarusiornissaminut, nunamut tamarmut pilersaarummut nassuiaammi allassimavoq.