Nuuk
Imminut toquttarnerup pinaversartinnissaanut ullorititaq malunnartinneqassaaq
Kommuneqarfik Sermersooq peqqinneq, pitsaaliuineq susassaqartitsivillu innuttaasunut paasititsiniaaffittut sisamanngorpat atussava
Nunarsuaq tamakkerlugu imminut toquttarnerup pinaversartinneqarnissaanut ullorititaq 10 september katersortarfimmi malunnartillugu Nuummi innuttaasut aggersarneqarput. Kommuneqarfik Sermersooq peqqinneq, pitsaaliuineq susassaqartitsivillu innuttaasunut paasititsiniaaffittut ulloq september.
Tamanna kommunip nalunaarutigaa.
Imminut toquttartut amerlavallaartut
Kommuneqarfik Sermersuup anguniagaasa ilagivaat imminut toquttarnerup annikillisinnissa, suliniutit assigiinngitsutigut ingerlanneqarneratigut.
- Kisitisit takutippaat ajoraluartumik annertuvallaartut. Kalaallit Nunaanni imminut toquttartut ukiumiit ukiumut allanngoraraluartut, ajoraluartumik takusinnaavarput suli imminut toquttartut amerlavallartut, kommuni allappoq.
Januaarip aallaqqaataanit septembarip aallaqqaataat tikillugu imminut toquttut Kalaallit Nunaat tamakkerlugu 27-viupput, Nuummiinnarlu pingasuullutik. Imminooriartut Kalaallit Nunaat tamakkerlugu 47-put, Nuummiinnarlu 19-niullutik, uani takutinneqarpoq suliniarneq suli annerusoq aammalu suleqatigiiffiusoq pisariaqartikkipput.
Atuartunut paasititsiniaaneq
Kisitsisip takutippa suli annerusumik paasititsiniaanerit pisariaqartut, Kommuneqarfik Sermersuup suliniutaa, tassalu siusissukkut pinaversartitsineq sukumiisoq ingerlajuaanarpoq.
Taamaattumik Kommuneqarfik Sermersuup atuarfiini atuartut angajulliit marluusunut (9, 10 klassit) siusissukkut pinaversartitsineq ulluni pingasuni ingerlanneqartarpoq, taallugu 'Imminut projekt', meeqqat 14, 15-nik ukiullit paasititsiniaaffigineqartarnerat ingerlavoq, ilanngullugu tatitussuseq, Imminut projekt saniatigut ingerlanneqartapoq, siunertaralugu atuartut nukissaannik peqarlernissaat.
Pisussat
Ulloq 10 september ulloq marlunnut avillugu innuttaasunut paasititsiniaafittut kommunip atorniarpaa, nalunaaqutaq 13:00-miit akunnerit sisamat atorlugit katersortarfimmi innuttaasunut suliffeqarfiit, peqatigiiffiit susassaqartut suleqatigalugit ulloq malunnartillugu paasititsinianertut atussava. Unnukkut nalunaaqutaq 19:00-miit akunnerit marluk atorlugit katersortarfimmi paasititsiniaanermik, nukittorsaqatigiinnermik, erinarsortunik tusarnaarnermik saqqummiisoqarnissamillu imalik ingerlanneqassooq. Unnummi Nuummi ilagiit sinnisaasa ingerlatissoralugit
Kommuneqarfik Sermersooq imminut toquttarnerup akiorniarlugu Naalakkersuisut anguniagaat suleqataaffigiva.