forebyggelse
Imminut toquttarnerit qanoq isilluta pinngitsoortissinnaavagut?
Qaasuitsup Kommuniata innuttaasunik oqaloqatigiissutiginiarpaa qanoq isilluni imminut toquttarnerit pinaveersaartinneqarsinnaanersut
Septembarip 10-at tassaavoq Imminut Toquttarnerup Pinaveersaartinneranut Nunarsuarmi Ullorititaq. Tamatumunnga atatillugu Qaasuitsup Kommuniata innuttaasut ajornartorsiummik tamatuminnga oqaloqatigerusuppai. Qaasuitsup Kommunia tusagassiorfinnut nalunaarutikkut taamatut allappoq.
Atuaruk: Imminut toquttarnerup akiornera Naalakkersuisut sakkortusiniarpaat
Qeqertarsuarmi imminut toquttarnerup pitsaaliornissaa innuttaasut peqatigalugit ulluni pingasuni sammineqassaaq.
Gruppini sammisanik oqaluuserinnittoqassaaq, tamatumani innuttaasut imminut toqunnermik paasinninnertik oqaatigisinnaallugu. Aamma oqaluuserineqassaaq innuttaasut ilaat avataaniittutut misigisimasarnersut. Oqallinnernit sammineqarsimasut assigiinngitsut peqataasunut allanut saqqummiunneqartassapput.
Atuaruk: Imminut toquttarnerup pitsaaliornera meeqqani aallartippoq
Ulluni taakkunani erloqinartuinnaat sammineqassanngillat, aamma aliikkusersuisoqassaaq.