forebyggelse af selvmord

Imminut toquttarneq akiorniarpaat meeqqat aallartiffigalugit

Imminut toquttarnerup akiorniarnissaa Nuummi isumasioqatigiissutaavoq tassanilu eqqumaffigineqarluinnarput meeqqat inuusuttuaqqallu atugaat

Imminut toquttarneq akiorniarlugu isumasioqatigiittoqarpoq

Meeqqat inuusuttuaqqallu tatigunerulersinnerisigut naapitassanut imaannaanngissinnaasunut qangiisinnaanerusunngortinneqassapput.

Imminut toquttarnerup akiorniarnissaani iliuuseriniarneqartut ilaat taamaappoq pingasunngornermi sisamanngornermilu Nuummi isumasioqatigiissutigineqartoq.

Inuit pingaarutilittut inissisisimasut 35-it atuarfeqarfimmit, Ilinniarfissuarmit kommunellu pitsaaliuinermut immikkoortoqarfianit tatitussuseq pillugu isumasioqatigiisinneqarput.

Saqqummiussisut ilagaat nakorsaq Poul Lundgård meeqqat pillugit ilisimatusarnermi Forskningsprogrammet for Mental Børnesundhed-mi aqutsisoq Aarhus Universitetimeersoq aamma Region Midtjyllandimeersoq.

Ilisimatusaatigalugu suliniut ’ Meeqqani Tatitussuseq’ maanna aallartisarneqarpoq imarisaalu pillugu ulluni marlunni isumasioqatigiittoqarpoq.

- Nunatsinni Meeqqat inuusuttullu atugarissaarnissaat, ilinniagaqarnissaat ilikkagaqarluarnissallu pitsaasuutittuarniarlugu suli unammilligassat amerlapput inuiaqatigiinnilu akisussaaffiullutik. Ilinniarfissuarmi rektori Dorthe Korneliussen nalunaarpoq.

Powered by Labrador CMS