Imminut toqunnissamik siorasaarinerit angerlarsimaffinnilu eqqissisaanerit

Imminut toqunnissamik siorasaarinerit, angerlarsimaffinni eqqissisaanerit, aqqusinerni eqqissiviilliornerit, aalakoorpallaartullu politiit akunnerup naanerani ilaatigut suliaraat.

- 36-riarluta Nuummi angerlarsimaffinni eqqissisaavugut, politikommisæri Poul Petersen tusagassiutinut nalunaaruteqarpoq.

Sapaatip akunnerani suliat
- Nuummi sapaatit akunneri kingullerni arlaqartuni imigassartorpallaarsimasut takussaasupilussuupput. Kisiannili erseqqissaassutigisinnaavarput sapaatit akunnerini allanit sanilliullugu eqqissisimanerummat, Sermersuumi politiit nalunaarput.

- Suliani 33-ni allani ilaatigut toqutseriartoqarpoq, ujajaasoqarpoq, ikuallatitsisoqarluni, tallimanilu suliani aamma nakuusertoqarluni. Ikiaroornartumik hashimik arsaarinnittoqarpoq, annertuallaanngillalli, Poul Petersen oqarpoq.

Akerliussutsimik takutitsineq
- Inatsit naapertorlugu akuerisaasumik akerliussutsimik takutitsisoqarpoq arfininngormat. Inuit 1000 - 1200-ut peqataapput. Akerliussutsimik takutitsineq eqqissisimasumik ingerlanneqarpoq.

- Aavarnerit maannakkut aamma ingerlanneqaleruttorput, taamaattumik aavartussanut siunnersuutigissavarput annanniutaasinnaasut tamarmik nassaqqullugit, politiit kaammattuuteqarput.