Nuuk
Imminut ikuallatseriarluni toqoriarneqarnerartoq
Angut 50’it ingerlaneranni ukiulik arfininngornermi uutiterujussuarpoq imminut ikuallatsilerami, pisoq politiinit imminoriarnertut misissuiffigineqarpoq
Nuummi politiit arfininngornermi najugaqarfimmut aggersarneqarput ilisimatinneqarlutik angut 50’t ingerlaneranni ukiulik uutiterujussuarsimasoq.
Politiit takkunneranni angut pineqartoq aalakoortoq politiinut ilisimatitsisimavoq arnap spritimik kuerariarluni ikuallatsilersimagaani.
Kisianni Nuummi politiit misissuinerisa takutissimavaat angut imminut spritimik kuerariarluni imminut ikuallatsilersimasoq uutiterujussuarnerminik kinguneqartumik.
Suliaq maanna imminoriaraluarnertut politiinit misissuiffigineqarpoq. Politiilli maannamut oqaatigisinnaanngilaat angut sallulluni nalunaaruteqarsimasutut unnerluutigineqassanersoq.
Inuit pineqartut najugaqatigiinnikuusimapput.