Inuuneruna Iggoraarsuk
Imminornermut pinaveersaartitsinermik suliniut nersornaaserneqarpoq
Suliniut Inuunera Iggoraarsuk Kommuneqarfik Sermersuup Suliniuteqartumut Nersornaataanik 2014-imik nersornaaserneqarpoq
Tallimanngormat ualikkut Kommmuneqarfik Sermersuup 2014-imi Suliniuteqartumut Nersornaataa Nuummi byrådssalimi tunniunneqarmat tupinnanngitsumik qungujulaartoqarlunilu qujamasuttoqarpoq.
Nersornaat tunniunneqarpoq suliniummut Inuunera Iggoraarsuk, taannalu imminornermut pinaveersaartitsinermik suliniutaavoq, 2014-imi juunimi aallartinneqartoq, tassanngalu ataqatigiissaarisutut ingerlatsisuuvoq Paninnguaq Heilmann.
Paninnguaq Heilmann oqaluttuarpoq piffissami aggersumi imminortarneq pillugu piviusulersaarut pilersaarusiussagitsik, Nuna Fonden aamma Inuk Media suleqatigalugit, taaavalu Inuunera Iggoraarsummut atatillugu Nunavummi Igaluit ornissamaaritik.
15.000 koruuninik aningaasartalik
Nersornaammik tunniussinermi borgmester Asii Chemnitz Narup, Inuit Ataqatigiit, borgmesterillu tulliata aappa Martha Abelsen, Siumut, oqalugiarput. Kommuneqarfik Sermersuup Suiniuteqartumut Nersornaataa 2011-imi siullermik tunniunneqarmalli sisamassaa tunniunneqarpoq. Suliniuteqartumut nersornaat 15.000 koruuninik aningaasartaqarpoq.
Sermitsiaq.AG nersornaasiinermit assinik qanttukkut ilanngussissaaq