Immikkuullarissunik iliuuseqartartut 32-iusut ilaat 100.000 koruuninnassaaq

Kalaallit Nunaanni Brugsenip nersornaat tunniuttagaa 100.000 koruuninik naleqartoq arfininngorpat tunniutissavaa.

Tamanna Hotel Hans Egedemi nalunaaqutaq 13.00 ingerlanneqassaaq.

- Siunnersuutit pitsaasut 32-t tiguagut. Siunnersuuteqartorpassuillu tamarmik qutsavigerusuppagut. Kina nersornaaserneqassanersoq nalunaarutiginissaa qilanaaraarput, Kalaallit Nunaanni Brugsenip pisortaa Susanne Christensen oqarpoq.

- Siunnersuutit takutiinnarpaat nunatsinni inuppassuaqartoq immikkuullarissunik iliuuseqartartunik. Inuiaqatigiinni allanngueqataasunik taakkulu nersortariaqarpagut, Susanne Christensen oqarpoq.