Nuuk

Immikkoortoqarfimmi Atassummi siulittaasoq nutaaq

Finn H. Borgert aamma Martha B. Poulsen marluullutik Nuummi Atassummut siulittaasunngorniupput

Marsip 29-ani ataatsimeersuarnerup kingorna, Atassut Nuuk nutaamik siulittaasortaarlunilu siulersuisortaarpoq.

Siulittaasunngorniunnerup kingorna siulittaasoq toqqarneqarpoq. Siulittaasunngortoq tassavoq 29-inik ukiulik, Finn H. Borgert, taanna nuummiuuvoq ulluinnarnilu teknisk tegner-isut suliaqarluni.

- Atassut Kommuneqarfik Sermersuumi nukittorsarusuppara, tassani kommunimi immikkoortortaqarfiit aaqqissuuteqqinnissaat aammalu suleqatigiinnissaat suliarissavakka. Minnerunngitsumik Atassut Nuummi partiip aaliangersagaasa saniatigut ileqqorissaarnissamut aaliangersakkat ilanngunneqarnissaat sulissutigerusuppara. 2017-imi kommune-mut qinersinissaq aamma piareersarnissaa suliarissavarput, siulittaasortaaq Finn H. Borgert oqarpoq.

Siulersuisut sinneri ukuupput, siulittaasup tullia Steen Lynge, aningaaserisoq Ove Heilmann, allatsi Martha B. Poulsen siulersuisunilu ilaasortaq Paninguaq M. Kruse.

Siulittaasunngorumanngitsoq
Steen Lynge Atassutip nuimasortaasa ilaat, nalunaarutigereerpaa siulittaasutut qinigassanngortinniarani, taanna siornatigut siulittaasuusareerpoq.

- Inatsisartuni aammalu kommunalbestyrelsemi suliassat samminissaat aammalu akisussaaffiit siammarternissaat pingaartikkakku suliuttaasunngorniunnermut qiningassannortissimanngilanga, Steen Lynge oqarpoq.

Atuaruk: Atassut Nuuk nutaamik siulittaasortaartoq

Powered by Labrador CMS