Skip to main content

Immiaaqqat tunisat allanngoriannginnerat pitsaasumik Nuuk Imermut tupaallaataavoq

2014-imut ukiumoortumik naatsorsuutit takutippaat angusat akileraarutit ilanngaatigereerlugit 20,8 million koruuniusut. Ukiumut kingullermut sanilliullugu angusaq pitsaanerulaarpoq

Akileraarutit ilanngaatigereerlugit 20,8 million koruunit.

Nuuk Imeq ukiumi 2014-mi taamatut sinneqartoorpoq.

Ileqquusumik ataatsimeersuarmut atatillugu Nuuk Imermi siulersuisunit tusagassiuutinut nalunaarutigineqarpoq pingasunngormat. 

Naammaginartumik angusaqarnermut ilaatigut pissutaavoq kaaviaartitat 4 procentimik annertuseriarnerat 2013-imi 185,6 million koruuniniit 2014-imi 192,5 million koruuninut. Tunisassiat immikkoortuini sodavandit tunisat 2 procentimik qaffariaateqarput immiaaqqallu tunisat allanngoriarnatik.

- 2014-imi immiaaqqat tunisat allanngoriannginnerat pitsaasumik tupaallaataavoq, tassa immiaaqqat ukiorpassuarni ikiliartornikuummata. Nassuiaatissanulli ilaavoq ukiup qaammataani siullerni nassiussuiffimmi uninngasuutit allanngoriarnerat tunisanut pissutaasoqm Nuuk Imermi siuliersuisuni siulittaasoq Justus Hansen ilisimatitsivoq. 

Immiaaqqat sodavandillu qillertuusanik puiaasaaqqanillu ataasiaannarlugit atorneqartartunik puullit eqqussat tuninineqarsinnaanerisa akuerineqarnissaa siunetaralugu puut pillugit malittarisassat allanngortinnissaannik Namminersorlutik Oqartussat nalunaarutaat piviusunngussappat Nuuk Imeq matusariaqassappat ilaatigut annaasaqarnissaq sillimaffiginiarlugu 2013-isuulli 2014-imi 11,6 million koruuninik immikkut nalikillilerneqarput.

Justus Hansen qinigaaqqittoq
Immiaaqqanut sodavandinullu akitsuutit saniatigut Nuuk Imeq 2014-imi pisortat karsiannut akileraarutinit, piginneqataassuteqarnermi pissarsianit sukkunullu akileraarutinit 33,3 million koruuninik tapersiivoq.

Nuuk Imeq piffissaq tamaat sulisartunik 2014-imi 45-nik sulisoqarpoq. Toqqaannartumik sulisoqarnerup saniatigut Kalaallit Nunaanni assartuisartuni, suliffeqarfinni sullissisartuni pilersuisunilu suliassaqarnermik Nuuk Imiup ingerlatsinera kinguneqarpoq.

Justus Hansen Kommuneqarfik Sermersuumit toqqagaasoq siulersuisuni siulittaasutut qineqqinneqarpoq. Siulersuisuni ilaasortat allat tassaapput Anders Dam Vestergaard Carlsberg Breweries A/S sinnerlugu, Peter Roland Royal Unibrew A/S sinnerlugu sulisullu sinniisaattut Erling Josefsen aamma Nuka Ugpernanngitsoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER