immap qaffakkiartornera
Immap qaffakkiartornera pissutaalluni Florida Tokyolu immap naqqaniileriaannaasut
Ukiut 100-t 200-llu akornanni immap qaffangaatsiarnissaa Nasamit naatsorsuutigineqarpoq
Qaammataasakkut assilisanik misissuinerup takutippaa immap qaffakkiartornera sukkasuumik ingerlasoq. Tamanna USA- Nasamit misissorneqaqqammerpoq.
Misissuinerummi takutippaa qanoq imaq qaffakkiartortiginersoq.
Tassami Kalaallit Nunaanni sermersuaq aamma sikuiuitsoq kujalliup aakkiartornera sukkanerusoq misissuinermi paasinarsivoq.
Immap kissatsikkiartornera annertuumik kinguneqarsinnaasoq Nasamit nalunaarutigineqarpoq, tassami Florida Tokyolu immap naqqaniileratarsinnaanissaat ernumassutigineqarpoq.
- Inuit 150 millionit immap qaffakkiartorneranut eqqorneqarsinnaapput, Nasamit Michael Freilich oqarpoq.
Illoqarfissuit allat aamma eqqorneqarsinnaanerat naatsorsuutigineqarpoq.
- Stillehavemi nunaaqqat assigiinngitsorpassuit aamma eqqorneqarujussuarsinnaapput, oqarpoq.