Immap naasuisa sermeq aatsikkiartortarpaat

Immap sissallu naasui sermersuup qaavcaniittut sukkanerusumik aatsitsisarput.

Misissuinerup nutaap Geophysical Research Lettersimi saqqummersinneqartup tamanna takutippaa. Siornatigut aammarsuit pujoralaat allallu pujoralaat ukkatarineqarnerugaluarput, kisianni maanna misissuinerup nutaap takutippaa, sermimi immap naasui ipit sinnerinit annerusmik sunniuteqartut.

Ilisimatusartut immap sissallu naasuisa 2014-imi sermersuup kujataatungaani aakkiartorneranut sunniutaat misissorsimavaat. Tassanilu immap naasuisa sermeq taarnerulersittangaarmassuk ersarissumik aakkiartorneranut sunniuteqartarpoq.

Immap sissallu naasuisa sunniutaat sakkortooq sermip aputeqartup qaavaniittut qimerloorneqanngillat.

Kisianni naak immap naasui sermiinnarmut sunniuteqarnerugaluartut, aamarsuarnik aamma pujoralannik sakkortusaateqarput. Sermeq taarneruleraanga, taamaalillunilu kissarneruleraanga, kissartoq immap naasuinik naatitsilluarnissamut periarfissaqalersitsisartoq, allaaserisamik allaaserinnittut ilaat, Marek Stibal, Arctic Nowimut oqarpoq.

Tamatuma saniatigut pujoralak, sermimeersoq immap naasuinut inuussutissaqartitsisarpoq, taamaalillunilu pitsaanerusumik ineriartortitsisarluni.

Sermersuup aakkiartorneranik uuttortaanerit eqqornerulersinniarlugit immap naasuisa sunniutaat maanna ilanngunneqassapput.