Qeqertarsuaq

Imiliorfik innaallagissamik ajornartorsiorpoq

Qeqertarsuarmi Greenland Spring Waterimut innaallagissap aqqutaa Nukissiorfiit qameqqajaavaat. Innaallagissamut akiligassaq, imiliorfimmut juunimili nassiunneqarsimasoq, arlalissuariarlugu akileqqusaraluarlugu, qisuariartoqartarsimanngilaq

Greenland Spring Water Aps
Imiliorfiup, Greenland Spring Waterimit pigineqartup, innaallagissamut akiligassaq juunimeersorli piffissami qaninnerpaami akilinngikkuniuk, qullii qaminneqarlutillu kiassarneqarunnaassaaq

Imiliorfik, Greenland Spring Water Aps-imit pigineqartoq, nunarsuarmullu tamarmut imermik pilersuisuunissaminik sinnatugarsuarminik piviusunngortitsinngisaannartoq, ajornartorsiuteqaqqlilerpoq.

Tamatumuunali imermiunngirtsoq, innaallagissamilli ajornartorsiuteqarluni.

Qullersat ilisimaneqanngillat

Nukissiorfiit paasissutissiissutigaat qularnanngitsumik selskbi piffissami qaninnerpaami sarfaarneqassasoq, selskabip, piginnittut nikinnissaanik tusatsiakkat pissutigalugit qullersai ilisimaneqanngitsup, innaallagissamut akiligassaq Nukissiorfiit arlalissuariarluni akileqqusarsimasaa, kinguneqanngitsumilli, suli akilerumanngittuarpagu.

Qeqertarsuarmi Nukissiorfiit ilisimanngilaat Greenland Spring Water imermik tunisassiornermut qanoq pilersaaruteqarnersoq, innaallagissamulli akiligassap akilerneqarnissaa piumasaralugu selskabi ullut tamaasa attaveqarfigisarlugu. Taamatut paasissutissiivoq Qeqertarsuarmi Nukissiorfinni pisortaq Therkel Lynge.

Powered by Labrador CMS