Imigassanut inatsit
Imigassat ineeqqani immikkoortuni tuniniarneqartalissasut
Pisiniarfiit immiaaqqanik tuniniaassagunik immikkut sanaanik ineeraliortariaqassapput. Imigassanut inatsissatut siunnersuut akuerineqassappat, tamanna kingunerissavaa.
Pisiniarfinni naliginnaasuni atuisartut imigassamik takunnissinnaassanngillat.
Tamanna inatsisissatut siunnersuummut oqaaseqaatinit maanna tusarniaavigineqartumi erserpoq, naalakkersuisoqarfiup tusagassiuutinut nalunaarummini oqaatigaa.
- Imigassanik aalakoornartortalinnik pisiniarfimmi nioqqutissanit allanit assiaqusersuineq ingerlanneqassaaq inimik immikkoortumik pilersitsinikkut, inatsisissatut siunnersuummi taama oqaasertalerneqarsimavoq.
Arraa!
Tamanna Naalakkersuisut nalunaarutigisimasaannit malunnaatilimmik sukateriffigineqarsimavoq. Sapaatip akunnerata siuliani inatsisissatut siunnersuut saqqummiunneqarnerani, pisiniarfiit nammnineq imigassanik akulinnik assiaqutsersuinissaq aalajangersinnaagaat tusagassiuutinut nalunaarummi ersersarneqarpoq.
Inatsisissamulli siunnersuummut oqaasiliussat, naalakkersuisoqarfiup nammineq oqaasertaliussatik iluamik atuarsimanngilaat.
Inatsississamut siunnersuut akuerineqassap, pisiniarfiit immigassanik akulinnik tuniniaanginnassagunik allanngortitserisariaqassapput.