akiligassat
Imigassartorsimalluni biilerneq 1,5 mio. kr. naleqarpoq
2016-imi imigassartorsimatilluni biilertut amerlapput
Ukioq kingulleq politiit imigassartorsimatillutik biilertunut 1,5 mio. kr. missaanik akiligassiisimapput, aningaasat danskit aningaasivianut nakkassapput.
Akilingassaq agguaqatigiisikkaanni 12.700 koruunit missaanniippoq, taama politiit facebookiminni paasissutissiipput.
Atuaruk: Politiit imigassartorluni biilertoqarnersoq misissuiniartut
Politiit 2016 ingerlanerani katillugit 136-it imigassartorsimallutik biilertunut akiligassiissutigaat. Ukiup siulianut sanilliullugu 30-nik amerleriarput, ukiunili arfinilinni aatsaat taama amerlatigalutik. Biilertartut 87-it akiligassat inatsisinik unioqqutitsinerminnut tigoreersimavaat.
Imigassartorsimalluni ajutoornerit amerlanerit
Kalaallit Nunaanni Naatsorsueqqissaartarfiup takutippaa aquttoq imigassartorsimatillugu ajortoornerit amerliartornerat. Ukioq kingulleq katillugit 23-iupput.
Politiit kajumissaaripput biilertartut imigassartorsimatillutik biilit uninngatiinnartarnissaat.
Imigassartorsimavit? Taamaappat taxarit imaluunniit busserit. Pineqartut 136-usut tamarmik peqqissimisut politiit oqaatigaat.