NAAMMAQQARPUT

Imigassaq pillugu inatsimmik sukateriniarneq tupigusuutigaa

Agathe Fontain siusinnerusukkut Inatsisartunut akerlilersuisareersimavoq

Et samlet Inatsisartut vedtog i 2012 at forlænge åbningstiderne for salg af øl, vin og spiritus om fredagen og lørdagen, men Naalakkersuisuts nye lovforslag rykker blot åbningstiderne om lørdagen fra 9-13 til 11-15.

1987-imi rekordiliiffiugallarmalli immiaaqqat, viinnit imigassallu nunatsinnut eqqussorneqartut kigaatsumik patajaatsumillu ikiliartuaarsimapput.

Taamaattumik Ilaqutariinnut Peqqissutsimullu Ataatsimiititaliami siulittaasup Siumumeersup Martha Lund Olsenip, peqqissutsimut Naalakkersuisup Inuit Ataqatigiinneersup Agathe Fontainip, imigassanut inatsisip pingaarutilitsigut arlalitsigut sakkortusineqarnissaanik siunnersuutaa tupigusuutiga.

Siunnersuut taanna Naalakkersuisut saqqummiutissavaat Inatsisartut ukiakkut ataatsimiinneranni, tallimanngornermi septembarip 22-anni aallartittussami.

Ullumikkut taama saqqummiineq tupinnartoq

– Ullumikkut taamatut saqqummiussisoqarnera tupigusuutigikujuppara, Martha Lund Olsen Sermitsiamut oqarpoq.

Ukiuni qulikkaani kingullerni imigassanut inatsisip ammanerulernissaa sammisarsimavarput, ilaatigut ammasarfiit sivisunerulernissaat eqqartorneqartarluni, tamatumunngalu pissutaasoq kisitsisitigut takussutissatigut toqqaannartumik takuneqarsinnaavoq: 1987-imi imigassanik kimittuunik nunatsinnut eqqussuineq aatsaat taama annertutigaluni inummut ataatsimut 14-it sinnerlugit ukiulimmut ukiumut 22,2 literiusimavoq, 2016-imilu imigassanik kimittuunik eqqussuineq inummut ataatsimut 14-t sinnerlugit ukiulimmut 8,7 literimut appariarsimalluni.

– Taamaattumik Naalakkersuisut imigassanut inatsimmik sakkortusiinialeriataarnerat tupigusuutigaara, Martha Lund Olsen oqarpoq.

Amerlanerussuteqarnissaq qularnartoq

Aamma Demokraatit Atassullu isumaqarput sakkortusiinissamut piffissaanngitsoq, imigassalli ammanerulersinniarnera atorneqartariaqartoq.

Taamaattumik ullumikkut Agatha Fontainip inatsisissatut siunnersuummi amerlanerusunit tapersersortissarsiornissaa ajornakusoortissagaa ilimanarpoq, kommuneqarfiillu kattuffiat Kanukoka naapertorlugu siunnersuut inatsimmit maanna atuuttumit imigassamik tuniniaanermik sassaallernermillu annertunerujussuarmik killiliissaaq.

Allaaserisaq tamakkerlugu Sermitsiami atuaruk. Aviisi uani pisiariuk:

Powered by Labrador CMS