Imigassaq
Imigassap inerteqqutaalernissaa isumaqatigiinngissutaasoq
Savissivimmi innuttaasut amerlanerussuteqartut januaarimi taasisitsisoqarnerani nunaqarfimmi avinngarussimasumiittumi imigassap matuneqarnissaa akuersissutigaat. Maanna meeqqanut innuttaasunullu ernumasunut allanut siunissap toqqissisimanarnerulernissaa neriuutigineqarsinnaalersoq atuarfiup pisortaa isumaqarpoq
Savissivimmi imigassamik aalakoornartortalimmik annertuumik atuisuusut qilalernerat annertusinnaaqisoq pisortanit qangali ilisimaneqarpoq. Savissivik Qaanaamiit 190 kilometerit missaannik kuja sinnerusumiittoq, avinngarussimasumiippoq.
Taamaattumillu pisortat inunnik isumaginninnikkut pingasuartumik ikiorsiigasuarsinnaanerat killeqarpoq. Nunaqarfimmilu 60-it sinnerlugit inoqartumi imigassamik atuineq ersarilluinnartoq, meeqqanut innuttaasunullu imigassamik atornerluisuunngitsunut ernumalersitsivoq.
Atuaruk: Nunaqarfimmi imerneq ajornartorsiutaasoq
Toqqissisimatitsinngitsoq
Savissivimmi kommunefogedip, Gabriel Halsøep, siorna imigassap matu neqarnissaa pillugu innuttaasunik taasititsisoqassasoq kissaatigaa. Taamaattumillu Qaasuitsup Kommunia januaarimi Savissivimmi innuttaasunik imigassap matuneqarnissaa pillugu taasisitsivoq.
Taasinermi innut taasut 21-t imigassap matuneqarnissa kissaatigaat, aqqaneqmarlullu imigassap ammaannarnissaa kissaatigaat.
Taasisitsinerup inernera Qaasuitsup Kommuniani kommunalbestyrelsimit Naalakkersuisunut naliliiffigisassanngorlugu ingerlateqqinneqassasoq, kommunimi pisortaq Hans Eriksen, paasissutissiivoq.
Atuaruk: Imigassamik toqquteqartartut ukiuni kingullerni qulini 130-iupput
Amerlanerussuteqarluartut
Imigassarlu nioqqutaajunnaarsinneqassappat nunaqarfimmi ersarissumik imigassartorneq takussaajunnaassasoq naatsorsuutigineqarsinnaavoq.
Savissivimmi ulluinnarni imigassartorneq ima takussaatigilersimavoq, allaat sapaat kisimi imigassartorfiusarani. Kisianni nunaqarfiup innuttaasuinut ikiuiniartoqalerunarpoq - aamma annertuumik imigassamik atornerluinermik taamaatitserusuttunut.
Allaaserisaq tamaat atuaruk, Qaasuitsup Kommunianilu pisut annertuut annikitsullu takukkit. Tamanut Avannaani uani akeqanngitsumik atuarsinnaavat: