Skip to main content

Imigassamut politikki: Tusagassiorfik Sermitsiaq.AG

Tusagassiorfiup imigassamut politikkia uani takuneqarsinnaavoq, suliffeqarfiit tamarmik inatsit aqqutigalugu oqaasertalioqquneqarnikuupput.

Imigassamut politikkip siunertaa

Tassaavoq imigassamik atuinerup sulinermut sullivimmilu avatangiisinut sunniuteqannginnissaanik kiisalu atornerluinermut akuliuttarnissamik sulisunullu sulinermut sullivimmullu sunniuteqartumik imigassamik ima annertutigisumik pinngitsuuisinnaanngitsunut ikiuunnissamik neqerooruteqarnissamik qulakkeerinninnissaq.

Tusagassiorfimmit sulinerup nalaani imigassartorneq imaluunniit sulisut malugisimaarlutik suliartornissaat akuersaaneqanngilaq. Taamaattorli pisortap isumaqatigiissuteqarfigineratigut pisuni nalliuttorsiorfiusuni soorlu ullorsiornerni, julefrokostini assigisaannilu imigassartorsinnaaneq immikkut akuersissutigineqarsinnaavoq.

Sulisoq imigassamik pinngitsuuisinnaanngitsoq imaluunniit imigassamik atuivallaartoq atornerluinerminut katsorsartinnissaq pillugu aqutsisunit neqeroorfigineqarnissamut pisinnaatitaaffeqarpoq. Tamanna pisinnaavoq sulisup – pisariaqarpat isertuussassamik – aqutsisumut qaninnerpaasaminut, sulisut sinniisaannut pisortamullu saaffiginninneratigut. Saaffiginnissutit tamarluinnarmik isertuussamik suliarineqartassapput tusagassiorfiullu toqqorsiviini nalunaarsorneqassanatik.

Sulisoq maluginiarneqartumik sulinermut sullivimmullu sunniuteqartumik annertussusilimmik atornerluisuuppat tusagassiorfiup aqutsisui sulinermut inatsisinut tunngassutilinnik annertunerusumik alloriartoqartinnagu katsorsaanerup pilersinneqarnissaanik neqerooruteqassapput. Katsorsaariaaseq sorleq naleqquttuunerunersoq sulisup aqutsisullu akornanni oqaloqatigiissutigineqarlunilu aalajangiunneqassaaq. Katsorsaaneq suuagaluarpalluunniit tamanna ukiumi ataatsimi AA-mi sapaatip-akunneranut ataatsimiittarnernik malitseqartinneqassaaq. Sulisoq atorfeqartitaanini ingerlaannassappat katsorsartinnissamut pisussaaffeqarpoq.

Katsorsarneqarnissamik neqeroorut aatsaat saqqummiunneqassaaq, pisoq sulisut sinniisaat peqatigalugu oqaloqatigiissutigineqareerpat, ajornartorsiutillu piviusuunera isumaqatigiissutigineqarpat.

Sulisoq kinaluunniit ikiortissarsiornini tamatuminngaluunniit akuersissutiginninnini pillugu soraarsitaasinnaanngilaq.

Imigassamik atornerluinermut katsorsartinnermut atatillugu aningaasartuutit tusagassiorfimmit Sermitsiaq.AG-mit akilerneqassapput.

Sulisup katsorsaavik aamma tusagassiorfik Sermitsiaq.AG isumasioqqaarnagit katsortinnini taamaatiinnarpagu sulinermut inatsisinut tunngassutilimmik suleriaqqinnissaq nalinginnaasoq aallartinneqassaaq.

Isumaqatigiissut ukunannga atsiorneqarpoq:

Christian Schultz-Lorentzen, 

Tusagassiorfik Sermitsiaq.AG-mi pisortaq

Dorthe Olsen,

Tusagassiorfik Sermitsiaq.AG-mi sulisut sinniisaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER