Imigassamut inatsisip suliarineqarnera kinguartinneqarpoq

Imigassamut inatsisit assortuussutaasoq aqagu naggataamik suliarineqassanngilaq, tamanna pilersaarutaagaluarpoq.

Taarsiullugu immikkoortoq novembarip 20-annut kinguartinneqarpoq.

Peqqissutsimut ataatsimiititaliap kinguartinneqarnissaa piumasarisimavaa.

Illoqarfinni nunaqarfinnilu arfininngornikkut imigassamik nioqquteqarnerup assigiinnissaannik peqqissutsimut ataatsimiititaliap maanna isumaqarneranik, kinguartitsineq pissuteqarpoq. Illoqarfinni nunaqarfinnilu ammasarfiit assigiinngitsuunissaat ataatsimiititaliamit siullermik piumasarineqaraluarpoq. Ataatsimiititaliaq maanna allatut isumaqalerpoq.

Arfininngornerni imigassap nioqqutigineqarnerata ammasarfii 11.00-miik 15.00-mut aaqqinneqarnissaat ataatsimiititaliap siunnersuutigaa.

Ukiakkut ataatsimiinnermi ullormi kingullermi ataatsimiiffik, aqagu sisamanngornermi novembarip 16-anni pisussaagaluarpoq. Kisianni Inatsisartut aningaasanut inatsisissaq naammassillugu suliarisinnaasimanngilaat, taamaalilluni novembarip 20-at saniatigut ikkunneqarpoq.

- Nunaqarfinni nioqquteqarnerup arfininngornermi matoreernerata kingorna nunaqarfimmiut imigassamik nioqquteqarnerup ammanerani illoqarfimmut angalallutik angumersiniaasinnaapput. Innuttaasut isumannaatsuunissaat pissutigalugu allannguutissatut siunnersuuteqartoqarpoq, peqqissutsimut ataatsimiititaliap siulittaasua, Laura Taunâjik (S), Sermitsiaq.AG-mut oqarpoq.

Saniatigut ulluliineq imigassamut inatsisissap naammassillugu suliarineqarneranut atorneqassaaq.

Aamma atuakkit:

Imigassamik assiaqutsersuinerup iluaqutaaneranik uppernarsaatissaqanngitsoq

Agathe Fontainip Sermitsiaq.AG sakkortuumik isornartorsioraa