Imigassamut inatsisip qinersinermi nuannannerit unitsippai
Imigassamut inatsit nutaaq, marsimi atuutilertoq pissutigalugu, qinersinermi nuannannerit unnuap qeqqanut unitsinneqartariaqarput.
Annonse
Siumut Nuummi imerniartarfimmi Manhattanimi qinersinermi katerisimaartitsivoq, Demokraatillu neriniartarfimmi Red Dragonimi katerisimaartitsillutik.
Kisianni nalunaaqutaq unnuap qeqqarmat matuneqarput, tamannalu marsip aallaqqaataani imigassamut inatsisip nutaap atuutilerneranik pissuteqarpoq.
Tassami inatsit nutaaq naapertorlugu imigassat aalakoornartullit nalunaaqutaq 24.00-p tungaanuinnaq sassaalliutigineqaqqusaammata, taamaattumillu Inatsisartunut qinersinerup inernerata saqqummiunneqarnissaa sioqqullugu qinersinermi katerisimaarnerit matuneqartariaqarput.