imigassamut inatsit
Imigassamik assiaqutsersuinerup iluaqutaaneranik uppernarsaatissaqanngitsoq
Peqqissutsimut Naalakkersuisoq pisiniarfinni imigassat assiaqutsersorneqalernissaannik siunnersuuteqarami, WHO-mut innersuussuteqarpoq. WHO-llu innersuussutini tamanna periarfissatut eqqaanngilaa.
Imigassamut inatsit oqallisigineqarnera uppernarsaatit tunngavingineqartariaqarput. Peqqissutsimut Naalakkersuisoq, Agathe Fontain (IA) isumaqarpoq.
Pisiffiullu pisortaanerata imigassamik assiaqutsersuinerup iluaqutaannginneraanera pillugu Sermitsiaq.AG-mi allaaserisaq pillugu taanna pingasunngormat tusagassiuutinut nalunaarummi isornartorsiuivoq.
- Oqallinnerli ajoraluartumik allannguutit arlaannik patsiseqartumik atorsinnaannginnerannik uppernarsaatissartaqanngitsunik sunnerneqarpoq. Ilisimatuussutsikkut uppernarsaatissartallit toqqammaviginiartigit sunniuteqartullu qitiutillugit, taanna tusagassiuutinut nalunaarummi allappoq.
WHO-miit uppernarsaatissaqanngitsoq
Tassunga atatillugu nunarsuaq tamakkerlugu peqqinnissaq pillugu kattuffissuup WHO-p imigassap takussaannginnerulernissaanik innersuussuteqarsimaneranut, taanna tikkuaavoq.
- Naalakkersuisut imigassat pisiniarfinni assersorneqarnissaannik siunnersuuteqarnerminni soorunami – innutaasunik niuertunilluunniit ajoqusersuiniarlutik asuli siunnersuusiunngillat. Nunarsuaq tamakkerlugu peqqinnissaq pillugu kattuffissuup WHO-ip imigassamik patsiseqartumik ajoqusernerit annikillisinniarnerannut atatillugu innersuussinera tunngavigalugu siunnersuutigaarput, Agathe Fontain (IA) nangilluni allappoq.
Imigassamillu tuniniaaneq assiaqutsersukkani immikkut tuniniaasoqalernissaa WHO innersuussuteqarsimanngilaq. Sermitsiaq.AG-llu peqqissutsimut naalakkersuisoqarfimmut toqqaannartumik piumasaqarnikku WHO-mit atorneqarsimasut pissarsiarisimavai, tassanilu assiaqutsersuilluni tuniniaanissap periarfissaanera imaluunniit misissuinerniluunniit tunngavilersuutigineqartuni tamarmik eqqaaneqarsimanngillat.
Kisermaassineq pilerisaarinermillu inerteqquteqarneq iluaqutaasoq
Misissuinernilu takutinneqarpoq imigassat takussaajunnaartinneqarnerisigut imigassamik atornerluineq akiorneqarsinnaasoq. Taamaattoq WHO killilersuinermi periutsit sisamat iluatsilluarsimasut uppernarsaatissaqartippaa:
- Naalagaaffiit kisermaassinermik ingerlataqarfiusut immikkulluunniit akuersissuteqarnikkut pisiniarfinni tuniniaanerit.
- Pisiniarfiit imigassamik tuniniaanermik ingerlatallit, qanoq qanitsigineri
- Imigassamik pisisinnaasut ukiuinik killiunneqarsimasunik misissueqqissaarnikkut
- Imigassanik sassaallerfiusut ammasarfiisa annikillisinnerisigut.
Taamaattoq imigassamik assiaqutsersuinerup iluatsissimanera iluatsissimannginneraluunniit, misissorneqarsimanngilaq.
Killormuanilli imigassap sunniuteqarluttarnera imigassamik pilerisaarinermik inerteqquteqarnikkut iluatsissimanersoq, WHO-p uppernarsarsinnaavaa.
Imigassamut inatsit ullumi Inatsisartuni aappassaaneerneqassaaq sisamanngorpallu naggammik oqaluuserineqassalluni.
Aamma atuaruk: Amerlanerussuteqartut imigassamut sukatererusuttut
Peqqissutsimut Naalakkersuisoq Agathe Fontain (IA) oqaaseqartinniarlugu Sermitsiaq.AG-p sulissutigaa.