Kortit akiliutit

Imerusuttunut aarlerisaarut: Aningaasat eqqaamakkit

Arfininngornermi unnukkut nalunaaqutaq 22.00-miit akunnerni sisamani korti akiliutit atorneqarsinnaassanngilaq. Aningaaseriviit it-mi sullississutaasa nutarterneqarnissaaannik tamanna pissuteqarpoq

Dankort piffissami pineqartumi aningaaserivimmi aningaasanik tigusinermut atorneqarsinnaassanngilaq.

It-mi sullississutit nutarterneqarnissaannut Grønlandsbanken maluginiaqqusisuuvoq, imerniartarfiit neriniartarfiillu eqqorneqarnerunissaat aamma nassuerutigaa.

Netbank aamma eqqorneqassaaq
- Qarasaasiaqarfiup BEC-ip nutarterineq pilersippaa. BEC qallunaat nunaanni aningaaseriviit qarasaasialerivigaat qitiusoq Grønlandsbankenilu tassunga atavoq.
Taamaattumik piffissaq nutarteriffiusoq uagut sullitatsinnut qallunaat nunaanni aningaaserivinnisulli naleqquppallaanngilaq, Grønlandsbanken ilisimatitsivoq.

Nutarterinerit Netbankimut, automatini tigusisarfinnut aamma kortinut akiliutinut eqquissaaq. Kortit akiliutit sorliit eqqorneqassanersut allattorsimaffiat uani atuarsinnaavat.

Powered by Labrador CMS