imigassamik sassaalliisinnaanermut akuersissutit
Imerniartarfiutilik nakkutilliisunit utoqqatserfigineqarnissani piumasaraa
Tasiilami imerniartarfimmi Arctic Wonderlandimi pissutsit pillugit sakkortuumik isorinnittoqarnerata kingorna, Peqqissutsimut Naalakkersuisoqarfik nalunaarusiamik suliarinnittuusoq utoqqatsernissaa, imerniartarfimmik piginnittup piumasaraa
- 18-nit inorlugit ukiulinnut sassaallersimagutta soorunami utoqqatsissutigaarput. Unnerluussinerit tusaatissatut tiguagut sassaalliisarnermullu pitsanngorsaataasumik sukaterilluta, Mike Nicolaisen nakkutilliisunik isornartorsiuitigaluni Sermitsiaq.AG-mut oqarpoq
Ilisimannittut qularnartut
Mike Nicolaisenip nakkutilliiartortitat inuit takuinnarlugit qanoq ukioqarnerinik naliliisinnaanerinik piginnaasaqarsinnaanerat qularnartoqartippaa.
- Nalunaarusiamimi ilimagisat kisimik tunngavigineqarput imerniartarfimmiittunilli uppernarsaatissaqaratik. Nakkutilliisutut oqartussat inuit qiviaannarlugit qanoq ukioqarnerinik naliliisinnaanerinik piginnaasaat paasisaqarfigerusuppagut. Minnerpaamik inuit 15-it missaanni 12-niik 15-it tikillugit ukiullit imerniartarfiissimanerat eqqortuunngilaq uppernarsaatissaqanngitsumilli nalunaajaanerulluni, imerniartarfiutilik Sermitsiaq.AG-mut oqarpoq.
Taanna isumaqarpoq nalunaarusiaq ersarinngitsoq, nalunaarusiamulli atatillugu "imerniartarfimmiittullu tamarmik ersittumik aalakkassimapput"-ngaaneraalluni allannermi "nakkutilliinerlussimanerit" uppernarsarneqarlutik.
Piginnaasakinneq ilumunngitsorlu
- Inuit 200-t sinnillit isersimasut naliliiffigisimavaat? Tamaasa ataasiakkaarlugit qanoq innerat nalilersorsimavaat? Taamatut naliliineq piginnaasakinneruvoq, tunngavissaqaranilu ilumuunngilaq, Mike Nicolaisen isummerpoq.
- Ataqatigiinngitsumik eqikkaasimaneq tutsuiginnanngitsumillu pineragaaneq pillugu siunissami suliffeqarfimmut pitsaanngitsumik malitseqarlunilu kinguneqartussaammat, oqartussat utoqqatsernissaat qinnutigaarput, Mike Nicolaisen paasissutissiivoq.
Suleqatigiinnermik annertusaaneq
Taassuma erseqqissaatigaa, politiit isumaginnittoqarfimmilu pingaartoq suleqatigalugit unnukkut inuunermik pitsanngorsaarusulluni. Sulisunut imerniartarfimmilu maleruagassat sukateriffigineqarput, tassa kinguneqartitsisoqassaaq, ukioq manna aprilip qaammataani ukiuni aqqanilissaannik imerniartarfik ingerlatsisimasoq paasissutissiivoq:
- Imigassamik sassaalliisinnaanermut akuersissut saqqumisumik nivinngaaneq
- Inimi pissuserissaarnissamik suliniutinik pitsanngorsaaneq
- Inerteqquteqarnermik allagartalersuineq
- Init ammanerini eqqiluisaarnermik pitsanngorsaaneq
- Silami eqqiluuisaarnerulerneq
- Matulerisunik pitsanngorsarneq
Nakkutilliinermi nalunaarusiaq pillugu allaaserisaq atuaruk:
Tasiilami imerniartarfinni pissutsit ajorluinnarnerat nakkutilliinerup takutippaa