qalatitsinissamut innersuut
Imeq bakteriaqartoq paasineqarpoq
Erngup bakteriaqarpallaalersimanerata kinguneranik Kujataani nunaqarfimmi Tasiusami innuttaasut imermik qalatitsitseqqaartarnissaat innersuussutigineqarpoq
Kujataani nunaqarfimmi Tasiusami imermik misissuinerit kingulliit takutissimavaat imeq bakteeriaqarpallaartoq.
- Nunaqarfimmi najugallit imeq qalateqqaarlugu imertassagaat imaluunniit illup iluani atortassagaat innersuunneqarput, taama Uumasut Nakorsaqarfik Inuussutissalerinermullu Oqartussaaffik nalunaaruteqartoq.
Innersuussunerup saniatigut suliffeqarfiit inuussutissanik nioqqutissiortut sulifeqarfiillu allat peqquneqarput imeq qalateqqaarlugu tunisassiornermi allatigullu atuinermi atortussagaat.
Uumasut Nakorsaqarfik Inuussutissalerinermullu Oqartussaaffimmit innersuussineq peqqusinerlu imermik misissuinerit nutaat erngup ajoquteqarunnaarnera takutippassuk atorunnaarumaartoq ilisimatitsipput.