Imak: Meeqqat atuarfiat naalakkersuinermik suliallit qanoq pitsanngorsarniarpaat

Meeqqat atuarfiata pitsanngorsarnissaa naalakkersuinermik suliallit oqaluuserigaangassuk taakku tigussaasunik suliniuteqarnissaat ilinniartitsisut kattuffiata IMAK-p ujartortarpaa. Partii tapersersortaasoq illuatungiluttullu isumaqataapput, Siumut Naalakkersuisullu oqaaseqaratik

Birthe Møller Therkildsen

Inatsisartut ataatsimiittarfianiitilluni sivitsunngitsoq meeqqat atuarfiani ajornartorsiutit sammineqalersarput oqaluttarfimmiunngikkaangat inersuarmi apeqqutigineqarluni. Aaqqiissutissanilli suli takkuttoqanngilaq. Oqaaseqartartut oqaaseqartuartuartarput meeqqat atuarfiat pitsanngorsarneqassasoq oqaluinnarnerusarporli, Sermitsiaq allappoq.

- Sammisaq oqaluuseriinnartarpaat. Tigussaasunik siunnersuuteqarneq ajorput qanoq iliuuseqartoqassanersoq sutigullu aallartittoqassanersoq, ilinniartitsisut kattuffiani IMAK-imi siulittaasoq Birthe Møller Therkelsen Sermitsiamut oqarpoq.

Amerlasuut angusinngitsoortartut
Meeqqat atuarfiani ajornartorsiutit ilagaat ilaatigut atuartut naggataarutaasumik misilitsinnermi angusisannginnerat. Ukiuni kingullerni tallimani ukiut tamaasa atuartut 100-t missaat Majoriaq aqqutigalugu naggataarutaasumik misilitsittarput meeqqat atuarfiani tamanna angusimannginnamikku.

Tamatuma saniatigut meeqqat atuarfiani fagini arlaqartuni naggataarutaasumik misilitsittut agguaqatigiissillugu angusaat appasittarput. Allattariarsorluni matematikimi ajornerpaasarpoq. Nunatsinni Naatsorsueqqissaartarfik naapertorlugu 2017-imi agguaqatigiissillugu angusaq 2,74-uvoq.

IMAK-ip meeqqat atuarfiat pitsanngorsaavigerusuppaa. Tassunga atatillugu Sulisitsisut peqatigalugit IMAK assigiinngitsunik meeqqat atuarfianut pitsannguutissanik saqqummiisimavoq.

Allaaserineqartoq tamakkiisumik Sermitsiami atuarneqarsinnaavoq. Aviisi uani pisiariuk:

Powered by Labrador CMS