atuarfik

IMAK: Qallunaat oqaasii atuartitsinermi oqaasiupput

Tuluit oqaasii aamma kalaallisoorneq qallunaatoornerlu assigalugit ilinniartitsissutaassappata - ajornartorsiutinik pilersitsisinnaavoq, ilinniartitsisut kattuffiat naliliivoq

Assi toqqorsivimmit

Siumumeersup Vivian Motfeldtip aalajangiiffissatut siunnersuutaa taperserneqarpoq, taanna ukiut arlaqanngitsut qaangiuppata atuarfimmi tukuit oqaasiii qallunaat oqaasiinut naligiilersitsissaaq.

Atuaruk: Naalakkersuisut tuluit oqaasii takornartat oqaasiini salliunniarpaat

Ullumikkut qallunaat oqaasii aamma kalaallit oqaasii atorlugit ilinniartitsisoqartarpoq.

Apeqqutaalersorlu tassaavoq tuluit oqaasii atuartitsinermi – aamma – oqaasiussanersut, taamaallaat takornartat oqaasiisut ilinniagassaajunnaarlutik: Tamanna ajornartorsiutinik pilersitsisinnaavoq, IMAK siulittuivoq, tamanna AG-mi pingasunngornermi atuarneqarsinnaavoq.

Assigiinngissuteqartoq
Tuluit oqaasii meeqqat atuarfianni takornartat oqaasiisut siullertut ilinniatitsissutigineqartalissappata, pitsaaqutit ajoqutillu qulaajarneqarnerinut ilinniartitsisut kattuffiata siulersuisui peqataanissaminnut piareersimapput.

Tassami misissueqqissaarnerup ingerlanerani tuluit oqaasiisa takornartat oqaasiisut aamma qallunaat oqaasiisa atuartitsinermi oqaasiunerisa immikkoortilluinnarneqarnissaat, IMAK-imut pingaaruteqarluinnarpoq.

Atuaruk: Siunnersuut: Tusagassiorfiit kalaallisut oqaatsitik pitsanngortittariaqarpaat

- Ullutsinni inatsisit naapertorlugit meeqqat atuarfianni atuartitsinermi oqaatsit tassaapput kalaallit aamma qallunaat oqaasii aamma tassaasinnaallutik tuluit oqaasii, tassa oqaatsinik ilinniarnermi akuutinneqarpata.

Tamatumunnga ilinniartinneqanngitsut
- Qallunaat oqaasii ullutsinni taamaalillutik taamaallaat takornartat oqaaserinngilaat, atuartitsinermili oqaasiullutik. Tuluit oqaasii ukiualunnguit ingerlanerini atuartitsinermi oqaasiusussatut siunnerfigineqassappata, tamanna ajornartorsiutinik annertuunik pilersitsissasoq, IMAK-ip ilimagaa. Ilinniartitsisunik tuluit oqaasiinik ilinniartitsinissaannarnuunngitsoq tuluilli oqaasii atorlugit fagini allani ilinniartitsisinnaasunik qularutissaanngitsumik ilinniakkamikkut pisariaqartinneqartunik tunuliaqutilinnik amigaateqartorujussuussaaq.

Atuaruk: Ilinniarfissuaq angusinngitsoorpoq

Kattuffiup siulersuisui nangipput:

- Tamakku saniatigut nalinginnaasumik ilinniartitsisunik amigaateqartoqarnera annerulis- saaq, tassami pissutsit ullutsinni atuuttut soorlu soraarnerussutisiaqalernissamut katersinernut tunngasut assigisaalu pissutigalugit, assersuutigalugu Canadameersuugaanni uteqqittussaallunilu, taava Kalaallit Nunaanni atorfininnissaq pilerinartuunngimmat, IMAK- imi siulersuisut oqarput.

Una allaaserisaq tamaat AG-mi uani sapaatip-akunnerani saqqummertumi atuaruk, taanna ullumi saqqummerpoq

Powered by Labrador CMS