Imigassaq
IMAK: Killilersuineq killormukaartitsisarpoq
Naalakkersuisut imigassamut siunnersuuteqarnermini kukkusumik alloriaateqartut, Ilinniartitsisut kattuffiat isumaqarpoq. Meeqqat imigassaq iluamik ilinniartariaqaraat allassimasoqarpoq.
Imigassamik inatsisissatut siunnersuut kukkuneruvoq. Ilinniartitsisut kattuffiat IMAK taama isumaqarpoq, taakku inatsisissatut siunnersuutip tusarniaavigineqarnerani sakkortuumik akissuteqarput.
- Siullertut siulersuisut oqaatigissavaat, killilersuineq uivertitsisarmat. Paasititsiniaanerit takutitsilluarnerillu meeqqat inuusuttulli imigassamut isiginnittariaasissaannut aqqutissaavoq. Tamanna killilersuinikkut anguneqarsinnaanngilaq, killormuanilli, IMAK-p siulersuisui tusarniaanermut akissuteqarlutik allapput.
Frie åbningstider
Ilinniartitsisut kattuffiat isumaqarpoq, killormut ingerlasoqartariaqartoq aammalu inatsit sukateriffiginagu eqaannerulersinneqartariaqaraluartoq.
- Ammarsarfiit killersugaannginnerusariaqaraluarput, taamaasilluni imigassat matunngitsiarnerini uiverluni pisiniartarnerit pinngitsoortinneqassangaluarput, taamaasiornikkut imerniartarfinni imigassanik pisiniartarnerit unitsinneqassangaluarlutik, taakku allapput.
Imigassallu ineeqqani assersukkani taamaallaat tuniniarneqartalernissaannut siunnersuut, siulersuisunit aamma taperserneqanngilaq.
- Tamanna meeqqat inuusuttulli imigassamut isiginnittariaasiannut pitsaanerulersitsinavianngilaq, killormuanilli pissangartitsilerlunilu unioqqutitsineruinnassaaq, IMAK isumaqarpoq.
WHO killilersuinissamik innersuussuteqartoq
IMAK aamma isumaqarpoq pilerisaarinermut, happy hour-nut, neqeroorutit assigusumilluunniit suliniutit inerteqquteqarfigilerisigut meeqqat imigassamut pitsaasumik isiginninnilerunnanngitsut.
Neqeroorutinut inerteqquteqarneq pillugu, peqqinnissamut naalakkersuisoqarfiup tamanna aalajangiuffigeqqammerpaa.
Kisianni tamatuma saniatigut IMAK-ip isornartorsiuinera akerlilerneqarpoq. Killilersuinermi pitsaasumik takussutissartaqartoq, Naalakkersuisoqarfik isumaqarpoq.
- WHO-mi ”Global strategy to reduce the harmful use of alcohol”, WHO-p imigassaq takussaannginnerunissaa innersuussutigineqarpoq, IMAK-p killeqanngitsumik imigassamik ammaasseqqulluni siunnersuutaanut, Naalakkersuisoqarfik akissuteqarluni allappoq.
Nunarsuarmi suliniaqatigiiffissuup WHO-p innersuussutai annerusumik malillugit siunnersuuteqartoqarpoq.
Aamma atuakkit:
Imigassaq pillugu inatsit akerleriiffiusoq allanngorpiarani saqqummiunneqassaaq
Imigassanut inatsit nutaaq kommunimit isornartorsiorneqartoq
Naalakkersuisut imigassamik inatsisissatut siunnersuutaat Atassummit isorineqartoq
Niuertarfiit imigassamut inatsit naalagaaniarnertut taagaat
Imigassat ineeqqani immikkoortuni tuniniarneqartalissasut