Ilinniarfissuaq

IMAK: Ilinniarfissuup pitsaassusaa qaffasinnerusariaqarpoq

Ilinniarfissuarmi ilinniarneq ajornanngippallaarlunilu atuagarsorneriinnaavallaartoq IMAK-imi siulittaasoq, Karl Frederik Danielsen isumaqarpoq

Ilinniarfissuaq pitsaanerulertariaqarpoq, IMAK-imi siulittaasoq, Karl Frederik Danielsen isumaqarpoq

Danmarks Evalueringsinstitut, Eva, nalunaarusiami sapaatip akunnerani kingullermi saqqummertumi nalilerpaa, Nunatsinni ilinniartitsisunngorlaat atuarfimmut ingerlateqqinneqaraangamik suliamut tunngatillugu sanngiippallaartut.

Evap nalilersuilluni nalunaarusiaani oqaaseq 'ajorluinnartoq' ilinniarfiup pitsaasusaata ilaanut atorneqarpoq.

Nalunaarusiap saqqummersinneqarnerata kinguninngua ilinniarfiup pisortaa taarserneqarpoq, tassani Britta Lohmann Ilinniarfissuarmi pisortaagallartussatut toqqarneqarpoq.

Atuaruk: Ilinniarfissuaq angusinngitsoorpoq

Pitsaassusaa qaffasinnerusariaqartoq
Ilinniartitsisut kattuffianni IMAK-imi siulittaasup, Karl Frederik Danielsenip, aamma Ilinniarfissuup pitsaassusaa isornartorsiorpaa.

- Tikkuartariaqarpoq, Ilinniarfissuup pitsaassusaa qaffasinnerusariaqarpoq, taanna KNR-imut oqarpoq.

Atuaruk: Ilinniarfissuarmi pisortaq taarserneqarpoq

Karl Frederik Danielsenip aamma erseqqissarpaa, ilinniarfimmi atuagarsortoqarpallaartoq sulinermillu misiliinikippallaartoqartoq.

- Imaappoq, ulluinnarni pissutsit piviusut takusimanngikkaanni, misigisimanngikkaanni, angajoqqaanik oqaloqateqarsimanngikkaanni, angusakkanik allagaqarsimanngikkaanni taavalu aamma atuartut kinguaassiutitigut atornerlukkat naapissimanngikaanni praktikernermiluunniit taava ulluinnaq tikikkaanni taannalu sammisimanagu unammillernartut annertusassaqaat taakkuulluni, Karl Frederik Danielsen KNR-imut oqarpoq.

Evap nittartagaani nalunaarusisaq atuaruk: Evaluering af Grønlands læreruddannelse på Ilinniarfissuaq

Powered by Labrador CMS