juullimut nangeqattaartoq

Ima juullisiussaanga

Ullumikkut Nuka Bisgaard Nuka Tha Divatut ilisimaneqartoq pulaarparput.

Juullimut tunissutisiat qaqugukkut ammarneqartarnersut Sermitsiaq.AG-mi atuartartut ippassaq aperaagut. Juulliaqqap ullaani unnukkuanilu ammaasartut naligiingajattut taasinerup takutippaa. Arlaqanngitsullu decembarip 23-ni unnuap qeqqanut ammaasarsimallutik.

Nuka Bisgaardikkunnili unnukkut ammarterisoqartarpoq. Kautuami Trainee-Event Coordinatorip juullimut suut ilitsoqqussarinerai atuaruk.

Ukioq manna juulli qanoq atussaviuk?

Ukiut tamaasa pisarnittut. Pinnersaassaanga, pisiniarfileralunga, iffiorlunga, qiortaallunga nipputsiterillungalu. Suut tamaasa.

Sumi juullisiussavit?

Nuummi juullisiortuaannarama Nuummiissaanga. Kalaallit juullertarnerannit pitsaanerusoqanngilaq.

Kikkut juullisioqatigissavigit?

Ilaquttakka ilagissavakka.

Juullimi suut ilitsoqqussaraagit?

Juulliaqqap ullaavani juullip inua Sanap saanut mikkiartortoq alakkassavara ullullu ingerlanerani Disneyp Juullimut aliikkutassiaa isiginnaassallugu. Juullimi kælkinik sisorartarpugut, pisittuarluta ilaquttat ikinngutillugu pulaartarlutigit.

Juulliaqqami suut nerisarpigit?

Ullaakkorsioqatigiittarpugut, kalaalimerngit, mamakujuttut, kaagit, sava kujataaneersoq, qeerlutoq iggisilerlugu, ria s la mandet, kaffi qalarlaaq il.il. Juulli nerisassarpassualik nuannarilluakkatsitut.

Kina nerisassiortarpa?

Assigiinngitsunik suliaqarrattaratta suliassatsinnik allattuisarpugut kiap suna suliarissaneraa. Sooruna anaanarput iggavimmiuusarpoq (smiley)

Orpiliaq qaqugukkut pinnersartarpisiuk?

Decembarip 23-ani uangali aalajangiisinnaasuuguma sapaassuat siulliannili pinnersareerneqarsinnaagaluarpoq. Uanga pinnersartarpara ullorlu ilivitsoq atorsinnaasarlugu. Nuannareqaara.

Qaqugukkut poortukkanik tunioraattarpisi?

Ukioq naallugu. Asuki, 24-ani unnukkut. Ukiulli ingerlaneri tunissutissat pivallaarunnaariartorlugit alianaarsaarnissaq mamartunillu nerinissaq pingaartinnerujartorparput.

Tunissutissanik ujarlillaqqippit?

Aap, taamatuusak.

Poortukkat orpiup ataaniittarpat?

Inissaqartillugu tamatigut.

Erinarsortarpit? - Suna erinarsuut nuannarinerpaaviuk?

All I Want For Christmas Is You.

Orpimmik kaaveqataasarpit?

Naamik, orpik qitillunga kaavittarpara.

Sumik tunitinnissat neriuutigaajuk?

Arlaat atorsinnaasara taarsertissinnaasaraluunniit.

Tunissutisiatit taasertittarpigit? Pigiinnartarpigilluunniit?

Taarsiinngisaannaraluarpunga ikkussortakkanilli tunitissagaluaruma tasernissai ajoriffissqartinngilara.

Juullisiortarnerit allanit qanoq aallaanerussuteqarsoraajuk?

Ilaqutariittut allatulli juullisiortarpugut. Nunali tamani juullisioriaatsit assigiinnerrapput. Ilaqutalli tamarmik peqataasinnaanngippata juullinnginnerani ataatsimoortarpugut juullisiuararluta.

Juullerpaluttuni Nuka Bisgaardip nuannarinerpaasaa tusaruk:

Powered by Labrador CMS