mittarfinnut nersornaat

Ilulissat Ukiumi Mittarfitsialaavoq

Mittarfiit pisortaasa isumaqatigiissutigaat, Ukiumi Mittarfitsialak, Mittarfeqarfiit nersornaasiuttagaa, Ilulissani mittarfimmut tunniunneqassasoq.

Niels Grosen (til venstre) flankerer prismodtageren, lufthavnschef Hans Chr. Lyberth.

Ilulissani Mittarfik qinersisinnaasut pingajorarterutaannit qinerneqarpoq, ilaatigullu tunngavilersuutigineqarput, mittarfiup Diskoline'mut kiffartuussinermut isumaqatigiissutinut nutaanut sukkasuumik naleqqusarsimanera, tassani mittarfik piffissami sivikitsumi – ulapereertigalutik – ingerlatsinerminik Diskoline'p sumiiffimmi kiffartuussinermi timmisartuussisarnissaanut naleqqussartariaqarsimavoq, ingerlatseqatigiiffiup tusagassiuutinut nalunaarutaani allassimavoq.

Mittarfiup pisortaa nuannaartoq

Ilulissani mittarfiup pisortaa, Hans Chr. Lyberth, tulluusimaaqaaq, nersornaallu sulisuminut pilersinneqarsimanerarpaa, qularinngilluinnarpaalu nersornaatisinerlu pitsaanerusumik suleqqinnissamik kajungersitsisuunerarlugu.

Ukiumi Pitsaanerpaatut nersornaat Maniitsup Mittarfianut tunniunneqarpoq, taakku pitsaassutsimik sillimaniarnermullu immikkut pitsanngorsaaniarlutik suliniuteqarsimanerat nersorniarneqarsimavoq. Ukiumi sulisutsialaat pisiniartartutut immikkoortoqarfimmut tunniunneqarpoq.

Powered by Labrador CMS