Ilulissat
Ilulissat: Tatsini angallanneq inerteqqutaavoq
Ilulissani imersuarmi aammalu narsarsuarmi atersuit kangianiittumi meeqqat arlaleriarlutik pinnguartut takuneqarsimapput. Sikumi pinnguarneq inuunermut ulorianartorsiortitsisinnaasoq, Ilulissani politiit aarlerisaaripput.
Ilulissani tatsini angallanneq suli ulorianarpoq.
Imersuarmi aammalu narsarsuarmi atersuit kangianiittumi meeqqat arlaleriarlutik pinnguartut takuneqarsimapput. Taamattumik politiit angajoqqaanut kajumissaaripput sikumi pinnguarneq inuunermut ulorianartorsiortitsisinnaasoq meeqqaminnut oqaluttuarissagaat.
Politiit Facebookimi quppernerminni taama allapput.
- Taamaattumik tatsini angallanneq politiinit inerteqqutigineqarpoq. Piffissami kingullermi qerinnarnerata tatsit ilaannakortumik sikoqalerpissaai. Siku kisianni suli saattuararsuuvoq, tatsillu annerpaartaa suli sikusimanngilaq, politiit taama nalunaaruteqarput.