sermersuaq
Ilulissat qernertortallit sukkanerusumik aakkiartortartut
Iluliarujussuit qenertunik paallit sukkanerusumik aakkiartortarput
Paasisat kingulliit takutippaat Issittumi sermersuup sukkanerujussuarmik aakkiartortoq -nunarsuarmi imaqassutsip annertunerulerneranik kinguneqartumik.
Nunanit assigiinngitsut Issittumi misissuisartut ilaatigut Danmarkimit Sebastian Mernildip peqataaffigisaani tamanna paasineqarpoq.
Kalaallit Nunaanni sermersuup qernertinnerusimanera malugineqarpoq, tassani paaq peqqutaavoq.
Seqerngup sermersuup qernernertaanut seqinneraangat nalinginnaasumiit sermeq sukkanerusumik aakkiartortarpoq, taamaasillunilu imaqassuseq annertuninngortarluni.
Qaammataasatigut assiliinerni paasineqarpoq Tunumi sermersuup taartinnerusimanera ukiuni kingullerni qulini, 10 procentimiit ilaatigut 25 procent tikillugu taarnerulersimallutik, Mernild oqarpoq.
Taassuma aamma Chilemi sermersuaq misissuiffigisartagarivaa.
Sibiriami orpippassuit ikuallattalernerat pissutaalluni ikuallattup paava sermersuarmut apuuttarpoq, ukiunilu kingulliunerusuni orpippassuit ikuallattartut amerlanerujartuinnavipput.
Aamma immamiittut algit apeqqutaaqataapput. Silaannaap kissatsikkiartornera ilutigalugu immami algit amerlatsikkiartorput, Sebastian Mernild nalunaarpoq.