Ilulissat kangerluata illorsuassaa qanilliallappoq

Ilulissat kangerluat pillugu illorsuassap piviusunngornissaa qanilleriarpoq. Qaasuitsup Kommuniani kommunalbestyrelse aalajangerpoq suliniut tapiiffiginiarlugu aningaasartuutilli amerlanerpaartaat aningaasaateqarfinnit matussuserneqassapput.

Ilulissat kangerluat pillugu illorsuassap pilersaarusiorneranut atugassanik 2014-mut 1,1 koruuninik aningaasaliissuteqarpoq. Tamanna aalajangiunneqarpoq kommunalbestyrelsep ileqquusumik ataasinngornermi ataatsimiinnerani. Aamma ukiunut missigersuusiorfiusunut 2015, 2016 aamma 2017-mut aningaasaliisoqassasoq aalajangiunneqarpoq.

Tusarsiipput
- Suliassaq tamarmi 112 millioner koruuninik akeqartussatut pilersaarutaavoq. Qaasuitsup Kommuniata 23 millioner koruunit aningaasaliissutiginiarpai aningaasartuutissallu sinneri aningaasaateqarfinnit matussuserneqarnissaat naatsorsuutigineqarpoq, Qaasuitsup Kommuniani borgmesteri Ole Dorph Sermitsiaq.AG-mut oqarpoq.

Ilulissat kangerluat pillugu illorsualiornissat ukiut arlallit pilersaarusiorneqarpoq. Suliniutinut naliginnaasunut aningaasaliisartoq Realdania aningaasaleeqataanissamut soqutiginnippoq Qaasuitsup Kommunia tunngaviusumik aalajangersinnaappat suliniut akuersissutigalugu aamma pilersaarusiornermut aningaasaliilluni.

Kommunalbestyrelsep aamma aalajangiuppaat sanaartorfissami nunagissaaneq akilissallugu sanaartorneq aallartippat.

- Suliniutip qaqugu naammassinissaa suli ukiulerneqanngilaq. Uaguttaaq assut tusarusupparput suliniut piviusunngortinneqassamaarnersoq unitsinneqassappat aningaasat allamut atorneqarniassammata, Ole Dorph oqarpoq.