Kangerlummi
Ilulissat Kangerluata eqqissisimatitaasup illorsuartassaanik pilersitsisoqalersoq
Danskit aningaasaateqarfiata Realdaniap Ilulissat Kangerluata eqqissisimatitaasup illorsuartassaanik sananissamut aningaasat 75 millionit koruunit akuersissutigai
Ilulissani Qeqertarsuup Tunuani Ilulissat Kangerluata eqqissisimatitaasup illorsuassaanik pilersitsiniarnerup piviusunngortinneqarnissaa maanna iluatsilerpoq, tassami danskit aningaasaateqarfiata Realdaniap suliamik tapersersuiniarlutik aningaasanik 75 mio.koruuninik tapersersuiniaramik. Suliaq tamakkerlugu 112 millioner koruuninik akeqassasoq naatsorsuutigineqarpoq.
Piffissami matumani aningaasaateqarfiit assigiinngitsut isumaqatiginninniarfigineqarput, taamaammallu ukialernerani illussanik titartaasartunik unammisitsisoqarnissaa ilimagineqareerluni. Suna tamarmi ajunngitsumik ingerlappat ukiut pingasut qaangiuppata illorsuarmik naammasseriikkamik pitsaasumik peqalissaaq.
- Realdania piffissami sivisuumi Kalaallit Nunaanni suliamik annertuumik suliaqarusussimavoq. Suliarlu una suliarerusutatsinnut assut tulluarluni. Sermeq periarfissaqarluarpoq – immikkuullarissuuvoq isikkumigut isumaqarnermigullu akiugassaanngitsoq, Realdaniamit Lars Autrup oqarpoq.
Tamanna Visit Greenlandimit aamma nuannaarutigineqarpoq. Takornariat taanna pillugu tikittalersinnaasut isumaqarput.
Allaaserineqartoq Sermitsiami atuarneqarsinnaavoq. Aviisi uani pisiariuk: