Piniarneq
Ilulissanut nunaqarfiinullu umimmattassiisoqarpoq
Namminersorlutik Oqartussat ukioq manna umimmanniarnissamut Ilulissanut nunaqarfiinullu umimmattassiipput
Ilulissat eqqaanni Naternami Namminersorlutik Oqartussat umimmattassiinerannut atatillugu inuussutissarsiutigalugu piniartut sunngiffimmilu piniartut piniarnissamut akuersissutillit, pisassinneqarnissaminnik qinnuteqarsinnaapput piffissami maajip 17-ianniit juunip 10-at ilanngullugu.
Qaasuitsup Kommunia nittartakkamini taamatut paasissutissiivoq.
Makitsinissaq
Pisassinneqarnissamik qinnuteqarnermi piniarsinnaatitaanermut uppernarsaat, kingusinnerpaamik maajip aallaqqaataani akilerneqarsimasussaq, takutinneqassaaq.
Qinnuteqarfissatut piffissaliussaq naappat makitsinikkut pisassinneqarsimasut allagarsiinikkut tamanut saqqummiunneqassapput, kommuni paasissutissiivoq.