Ilulissani ujaasineq taamaatinneqartoq
Politiit ujaasineq sapaatiummalli ingerlanneqartoq taamaatippaat, tassani ajunaalernermi kalerrisaarutinik arlalinnik takunnittoqarsimavoq.
Annonse
Ilulissat Kangerluani ajunaalernermi kalerrisaarutit arlallit sapaatiummat takuneqarnerisa kingorna, maqaasineqartunik ujaasinissaq taamaatinneqarsimasoq, politikommissær Gedion Quist, Nunatsinni vagtcentralimeersoq, tusagassiuutinut nalunaarummi ilisimatitsivoq.
Politiit Issittumi Sakkutooqarfik suleqatigalugu imaatigut silaannakkullu S-61-imik ujaasisimapput.
Tamatuma saniatigut Aasiaat Radiokku PAN PAN-imik nalunaaruteqartoqarluni. Politiit aamma inunnik maqaasineqartunik tusagassiuutitigut ujaasillutik nalunaaruteqarnikuupput.
Maqaasisaqartoqanngitsoq
- Ujaasinermi nassaartoqanngilaq, Gedion Quist ilisimatitsivoq, taassuma saniatigut ilisimatitsissutigaa, maqaasineqartunik nalunaaruteqartoqarsimanngitsoq.