Tempo

Ilulissani sermeq iigartartoq nunarsuarmi sukkanersaavoq

Washington University Polar Science Center-imi ilisimatuut nunarsuarmi sermeq sukkanerpaamik iigartartoq toqqarpaat. Taanna maani Nunatsinniippoq

2012-imi aasakkut Ilulissani sermeq iigartartoq ulloq unnuarlu 46 meterinik ingerlasarsimavoq, taamaasillunilu sermini iigartartuni takuneqarsimasuni sukkanersaalluni.
Taassuma Alaskami iigartartup Black Rapid Gletsjer-ip 1936-imit ulloq unnuarlu sukkassutsikkut 30 meterit sinnerlugit rekordia qaangerpaa. Tamanna saqqummiunneqarpoq atuagassiami The Cryosphere-mi. Taamatut allappoq videnskab.dk.
Ilisimatuut oqarput sermip iigartartup taama sukkatigineranut pissutaasoq aqqutaani aporfissaarussimanera. Sermip siua - oqqamik taaneqartartoq, narsaamanikkut sivingasukkoorpoq taamaasillunilu immap tungaanut sukkasuumik ingerlalluni.
Allaaserisaq tamaat atuarsinnaavat uani livescience.com. Taanna tuluttuujuvoq.

Powered by Labrador CMS