qimmit nappaataat

Ilulissani qimmit angalaannartut toqunneqartassapput

Qimmit nappaataannik tunillaassuuttoqannginnissaa anguniarlugu kommunip qimmit angalaannartut tamaasa ataasinngorpamiik toquttalerniarlugit pilersaaruteqarpoq

Qimmit nappaataannik tunillaassuuttoqannginnissaa anguniarlugu kommunip qimmit angalaannartut tamaasa ataasinngorpamiik toquttalerniarlugit pilersaaruteqarpoq

Qimmit nappaalanerat Avannaani ajornartorsiortitsingaatsiarpoq.

Avannaata Qimussersuani peqataasussat Ilulissaneersut tamarmik kingullermik ilaaqqusaajunnaarput, illoqarfimmi qimmit nappaataat tuniluussimanera pissutigalugu, unammineq Uummannami apriilip aappaanni ingerlanneqartussaavoq.

Atuaruk: Qimmit Ilulissaneersut unamminermut ilaaqqusaanngitsut

Qimmit angalaannartut toqunneqartassapput
Illoqarfimmi qimminik nakkutilliisup ataasinngorpaminngaanniit, qimmit angalaannartut toquttalerniarlugit pilersaaruteqartoq, Qaasuitsup Kommunia maanna nittartakkamini allappoq.

Taakkulu ullormi tassani ikuallanneqartassapput.

Qimmit pitunneqartassapput
Kommunip aamma ilisimatitsissutigaa, qimmiutillit qimmit nappaataata tuniluutinnginnissaanut qulakkeerinneqataassasut.

- Qimmiutillit qinnuigineqarput qimmit nakkutigineroqqullugit, pituffimminni pitussimanissaat qulakkeereqataaqqullugit.

- Aamma qimmiaqqat ungaluukkaniitinneqarnissaat imaluunniit inassutigineqassaaq pingasunik – sisamanik qaammateqalereersut kalunnernut pituttorsimanissaat taamaaliornikkut qimmit nappaataannik tunillaassuutinnginnissaq qulakkeerinneqataaffigissammassut, kommuni allappoq.

Qimmit nappaataanut tungasumik paasisaqarusuttut Ilulissani Teknikkikkut Ingerlatsivimmut saaffiginneqquneqarput.

Atuaruk: Qimmit qimuttut akiuussutissamik kapoorneqaleruttorput

Powered by Labrador CMS