Ilulissat
Ilulissani politiit angut 55-inik ukiulik ujarpaat
Politiit angut 55-inik ukiulik Uummannameersoq Aqqaluk Løvstrøm, kingullermik Ilulissani takuneqarsimasoq, ujarpaat
Ilulissani politiit 55-inik ukiulik Aqqaluk Løvstrøm Uummannameersoq ujarpaat.
Aqqaluk Løvstrøm marlunngormat maajip 17-ianni Uummannamiit Ilulissiarpoq, illoqarfimmi akunnittarfiit ilaanni seminareqarneranut peqataajartorluni, Qaasuitsumi politikommissæriugallartoq Carl Sværd paasissutissiivoq.
Akunnittarfimmut inississimavoq
Aqqaluk Løvstrøm tikikkami akunnittarfimmut najugaqarfissaminut inississimavoq, kingornali takuneqarsimanngilaq.
Annertuumik ujaasisoqaraluartoq Aqqaluk Løvstrøm suli nassaarineqanngilaq.
Taanna kingullermik Ilulissani takuneqarpoq maajip 17-ianni nalunaaqutaq 18 missaani.
Ilisarnaatai
Aqqaluk Løvstrøm kalaalerpaluttuuvoq
1,70 meterit missaannik angissusilik
Pillagunalaartoq
Naatsunik kajortunik nujalik tullii tunuariartortut
Tammaaneqalerami sunik atisaqarnersoq ilisimaneqanngilaq
Innuttaasunit ikiortinnissartik neriuutigaat
Ilulissani politiit inunnit, ujarneqartup ingerlaffigisimasaanik sumiissinnaaneranillu paasissutissiisinnaasunit tusagaqarusupput.
Ilulissani politiit telefonip normuanut uunga sianerfigineqarsinnaapput 70 14 22.